ສື່ທາງການມຽນມາລາຍງານໃນວັນທີ 14 ກຸມພານີ້ວ່າ: ສານລັດຍະໄຂ່ສະຫະພາບມຽນມາໄດ້ຕັດສິນປະຫານຊີວິດຄົນໜຶ່ງທີ່ມີສ່ວນຮ່ວມໃນການຫຼອນໂຈມຕີສະຖານີຕຳຫຼວດຊາຍແດນເມື່ອເດືອນຕຸລາປີຜ່ານມາ.
ກ່ອນໜ້ານີ້, ລັດຖະບານມຽນມາເປີດເຜີຍວ່າ: ວັນທີ 9 ຕຸລາ 2016 ຜ່ານມາ, ສະຖານີຕຳຫຼວດຊາຍແດນ 3 ແຫ່ງຢູ່ພາກເໜືອລັດຍະໄຂ່ປະເທດຕົນທີ່ໃກ້ກັບຊາຍແດນບັງກະລາເດັດຖືກກຸ່ມກໍ່ການຮ້າຍຫຼອນໂຈມຕີ ເຊິ່ງເປັນເຫດເຮັດໃຫ້ເຈົ້າໜ້າທີ່ຕຳຫຼວດຫຼາຍຄົນເສຍຊີວິດແລະບາດເຈັບ. ປັດຈຸບັນ, ເຈົ້າໜ້າທີ່ຕຳຫຼວດມຽນມາໄດ້ຈັບກຸມຜູ້ຕ້ອງຫາແລ້ວ 14 ຄົນ.
ຂ່າວແຈ້ງວ່າ:ນີ້ເປັນຄົນທຳອິດທີ່ຖືກສານມຽນມາຕັດສິນປະຫານຊີວິດ, ສ່ວນອີກ 13 ຄົນນັ້ນກໍກຳລັງດຳເນີນການສືບສວນ.