ຂ່າວສານຊິນຮວາລາຍງານວ່າ: ຄະນະກຳມະການປະຈຳຄວາມໝັ້ນຄົງ ແລະເອກະລາດຂອງກຳມະບານສປຊເປີດເຜີຍໃນວັນທີ 14 ກຸມພານີ້ວ່າ: ປີຜ່ານມາມີພະນັກງານສປຊຢ່າງໜ້ອຍ 32 ຄົນເສຍຊີວິດ ແລະໃນຈຳນວນນີ້ສ່ວນຫຼາຍແມ່ນຜູ້ຮັກສາສັນຕິພາບ ລວມທັງຜູ້ຮັກສາຄວາມປອດໄພ 2 ຄົນ, ພະນັກງານໜຶ່ງຄົນແລະຜູ້ຮັບເໝົາໜຶ່ງຄົນ.
ມາລີແມ່ນປະເທດທີ່ມີພະນັກງານສປຊເສຍຊີວິດຫຼາຍທີ່ສຸດເປັນເວລາ 3 ປີຕິດຕໍ່ກັນ ເຊິ່ງພຽງແຕ່ປີ 2016 ກໍມີເຖິງ 23 ຄົນເສຍຊີວິດ. ຂະນະທີ່ໃນໄລຍະ 5 ປີຜ່ານມາ, ມີພະນັກງານສປຊ 240 ຄົນເສຍຊີວິດຈາກເຈຕະນາໂຈມຕີ.