ທ່ານ​ຫວາງ​ຢີ້ຈະ​​ເຂົ້າ​ຮ່ວມ​ກອງ​ປະຊຸ​ມລັດຖະມົນຕີ​ການ​ຕ່າງປະ​ເທດ​ບໍ່​ເປັນ​ທາງ​ການ​ຂອງ G20 ​ແລະ​ກອງ​ປະຊຸມ​ຄວາມ​ໝັ້ນຄົງມູນິກຢູ່​ເຢຍລະ​ມັນ
2017-02-15 16:30:25  cri 
​ໃນ​ພິທີ​ຖະ​ແຫຼ​ງຂ່າວ​ທີ່​ຈັດ​ຂຶ້ນ​ໃນ​ວັນ​ທີ 14 ກຸມພາ​ນີ້,​ ທ່ານ​ເກີ​ງສວນ, ​ໂຄສົກ​ກະຊວງ​ການ​ຕ່າງປະ​ເທດ​ຈີນ​​ເປີ​ຍ​ເຜີຍ​ວ່າ,​ ​ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ​ທ່ານຊິກ​ມາ ກາບ​ຣຽນ,​ ລັດຖະມົນຕີ​ກະຊວງ​ການ​ຕ່າງປະ​ເທດ​ເຢຍລະ​ມັນ​ເຊິ່ງ​ເປັນ​ປະ​ເທດ​ປະທານກຸ່ມ G20 ປີ 2017​​ແລະ​ທ່ານວົຟກັງ ຢີຊິນ​ເກີ ປະທານ​ກອງ​ປະຊຸມ​ຄວາມ​ໝັ້ນຄົງ​ມູນິກ,​ ທ່ານ​ຫວາງ​ຢີ້ ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ​ຈະ​ເດີນທາງ​ໄປ​ເຢຍລະ​ມັນ​​ແຕ່​ວັນ​ທີ 15 ຫາ​ວັນ​ທີ 18 ກຸມພາ​ນີ້,​​ເພື່ອ​ເຂົ້າ​ຮ່ວມ​ກອງ​ປະຊຸມ​ລັດຖະມົນຕີ​ການ​ຕ່າງປະ​ເທດ​ບໍ່​ເປັນ​ທາງ​ການ​ຂອງ G20 ​ແລະ​ກອງ​ປະຊຸມ​ຄວາມ​ໝັ້ນຄົງມູນິກ.

ທ່ານ​ເກີ​ງສວນ ກ່າວ​ວ່າ,​ ກອງ​ປະຊຸມ​ລັດຖະມົນຕີ​ບໍ່​ເປັນ​ທາງ​ການ​ເທື່ອ​ນີ້​ຈະ​ປຶກສາ​ຫາລື​ແລະ​ປະຕິບັດ 3 ຫົວ​ຂໍ້​ຄື: ຂະ​ບວນການ​ພັດທະນາ​ແບບ​ຍືນ​ຍົງ​ປີ 2030, ຮັກສາ​ສັນຕິພາບ​ແລະ​ເພີ່ມ​ທະວີ​ສາຍ​ພົວພັນ​ກັບ​ຄູ່​ຮ່ວມ​ມື​ອາ​ຟຼິກາ. ຂະນະ​ດຽວ​ກັນ​ກໍຫວັງ​ວ່າ​ກອງ​ປະຊຸມຈະສາມາດ​ສືບ​ຕໍ່​ປະຕິບັດຕາມ​ໝາກຜົນ​ຂອງ​ກອງ​ປະຊຸມ​ສຸດ​ຍອດຫັງ​ໂຈ່​ວ​ໄດ້​ເປັນ​ຢ່າງ​ດີ,​ ​ເນື່ອງ​ຈາກມີ​ຄວາມ​ໝາຍ​ສຳຄັນ​ທີ່​ສຸດ​ພາຍ​ໃຕ້​ສະຖານະ​ການ​ໃນ​ປັດຈຸບັນ. ຈາກ​ນີ້, ຈີນ​ຈະ​ຕັ້ງໜ້າ​ເຂົ້າ​ຮ່ວມ​ປຶກສາ​ຫາລືບັນຫາ​ຕ່າງ​ໆ​ໃນກອງ​ປະຊຸມ,​ ​ແລະຮ່ວມ​ກັບ​ຝ່າຍ​ຕ່າງໆ​ຊຸກຍູ້​​ໃຫ້​ກອງ​ປະຊຸມສຳ​ເລັດ,​ ​ເພື່ອຮ່ວມ​ກັນ​ຮັບ​ມື​ກັບ​ການ​ທ້າ​ທາຍ​ສຳຄັນ​ຕ່າງໆ​ທີ່ທົ່ວ​ໂລກ​ຜະ​ເຊີນ​ໜ້າ​​ໃນ​ປັດຈຸບັນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ