ຕາມຂ່າວສານຈີນ: ບໍລິສັດວິສະວະກຳທີສອງຈຳກັດຂອງກຸ່ມບໍລິສັດເກີໂຈວປ້າຈີນເປີດເຜີຍວ່າ, ເຂື່ອນໄຟຟ້າຫ້ວຍລຳພັນໃຫຍ່ຕອນລຸ່ມຂອງລາວທີ່ບໍລິສັດດັ່ງກ່າວຮັບເໝົາກໍ່ສ້າງນັ້ນໄດ້ເລີ່ມລົງມືກໍ່ສ້າງແລ້ວໃນວັນທີ 15 ກຸມພານີ້.
ເຂື່ອນໄຟຟ້າດັ່ງກ່າວກໍ່ສ້າງຂຶ້ນຕາມຫ້ວຍລຳພັນໃຫຍ່ສາຂາແມ່ນ້ຳເຊກອງ ທາງພາກໃຕ້ລາວ, ເປັນເຂື່ອນໄຟຟ້າທີ່ເນັ້ນຜະລິດໄຟຟ້າເປັນຕົ້ນຕໍ ກວມເນື້ອທີ່ອ່າງ 380 ກິໂລຕາແມັດ, ມີລະດັບສະສົມນ້ຳສູງ 198 ແມັດ ແລະເກັບນ້ຳໄດ້ຫຼາຍສຸດ 73 ລ້ານ 9 ແສນເມັດກ້ອນ ໂດຍສາມາດຜະລິດໄຟຟ້າໄດ້ເຖິງ 15 ເມກາວັດ.
ໃນຫຼາຍປີມໍ່ໆມານີ້, ກຸ່ມບໍລິສັດເກີໂຈວປ້າຈີນ, ກຸ່ມບໍລິສັດກໍ່ສ້າງເຂື່ອນໄຟຟ້ານ້ຳຕົກຈີນ ແລະຫຼາຍບໍລິສັດໃຫຍ່ຂອງຈີນໄດ້ຮັບເໝົາກໍ່ສ້າງເຂື່ອນໄຟຟ້າຫ້ວຍລຳພັນ, ເຂື່ອນໄຟຟ້ານ້ຳງື່ມ 3 ແລະອີກຫຼາຍໂຄງການທີ່ພົວພັນເຖິງຊີວິດການເປັນຢູ່ຂອງປະຊາຊົນ ເຊິ່ງໄດ້ປະກອບສ່ວນອັນສຳຄັນຕໍ່ການພັດທະນາເສດຖະກິດຂອງລາວ ແລະຊຸກຍູ້ການພົວພັນມິດຕະພາບລະຫວ່າງສອງປະເທດຈີນ-ລາວ.
 |
