ຕາມຂ່າວສານຈີນ: ວັນທີ 15 ກຸມພານີ້, ອຳນາດການປົກຄອງຂອງທ່ານໂດນັນ ຕຣຳ ປະທານາທິບໍດີອາເມລິກາໄດ້ພົບບັນຫາໃໝ່ ຫຼັງທ່ານ ແອນດີ ປູສເດີ ໄດ້ສະຫຼະສິດການສະເໜີຊື່ເປັນລັດຖະມົນຕີແຮງງານໃນມື້ດຽວກັນ.
ກ່ອນໜ້ານີ້ຄື ຕອນຄ່ຳວັນທີ 13 ກຸມພານີ້, ທ່ານໄມເຄີນ ຟຼິນ ອະດີດຜູ້ຊ່ວຍປະທານາທິບໍດີອາເມລິກາທີ່ຮັບຜິດຊອບວຽກງານຄວາມໝັ້ນຄົງແຫ່ງຊາດໄດ້ລາອອກຈາກຕຳແໜ່ງຍ້ອນການລັກລົມ "ໂທລະສັບ" ແຕ່ສິ່ງທີ່ຕ່າງຈາກທ່ານຟຼິນ ຄືທ່ານປູສເດີໄດ້ສະຫຼະສິດກ່ອນຂຶ້ນດຳລົງຕຳແໜ່ງ. ຄະນະກຳມາທິການສາທາລະນະສຸກ, ການສຶກສາ, ແຮງງານ ແລະປະກັນບຳນານສະພາສູງອາເມລິກາຕົກລົງຈະຈັດເວທີຮັບຟັງການສະເໜີຊື່ຂອງທ່ານປູສເດີໃນຕອນເຊົ້າວັນທີ
16 ກຸມພານີ້. ແຕ່ເນື່ອງຈາກວ່າ ທ່ານປູສເດີໄດ້ສະຫຼະສິດກ່ອນ, ຈິ່ງໄດ້ເຮັດເວທີຮັບຟັງດັ່ງກ່າວຖືກຍົກເລີກ ໂດຍໄດ້ປະກາດຢູ່ເວັບໄຊຂອງຕົນໃນຕອນບ່າຍວັນທີ 15 ກຸມພາ.
ມາຮອດປັດຈຸບັນ, ຄະນະລັດຖະບານຕຣຳທີ່ມີ 24 ຄົນນັ້ນ ຍັງມີ 10 ຕຳແໜ່ງທີ່ຍັງບໍ່ທັນໄດ້ຕົກລົງເທື່ອ.
 |
