ຕາມຂ່າວ CRI: ກະຊວງສຶກສາທິການແລະວິທະຍາສາດຍີ່ປຸ່ນ ໄດ້ເປີດເຜີຍໂຄງລ່າງຫຼັກສູດສະບັບໃໝ່ສຳລັບຊັ້ນປະຖົມແລະມັດທະຍົມໃນວັນທີ 14 ກຸມພານີ້ ໂດຍເນັ້ນໃຫ້ເອົາເກາະຕ້ຽວຢີແມ່ນດິນແດນເດີມຂອງຍີ່ປຸ່ນເຂົ້າໃນຫຼັກສູດສັງຄົມ ຢ່າງຈະແຈ້ງ. ຈາກນີ້, ທ່ານ ເກີງສວງ ໂຄສົກກະຊວງການຕ່າງປະເທດຈີນຈຶ່ງໄດ້ກ່າວໃນວັນທີ 15 ກຸມພານີ້ ໂດຍທວງໃຫ້ຍີ່ປຸ່ນຈົ່ງເຄົາລົບຄວາມຈິງທາງປະຫວັດສາດ ແລະຢຸດການທ້າທາຍເກາະຜິດ.
ທ່ານ ເກີງສວງ ກ່າວໃນການຖະແຫຼງຂ່າວປະຈຳໃນວັນດັ່ງກ່າວວ່າ: "ເກາະຕ້ຽວຢີແລະເກາະດອນອ້ອມແອ້ມ ແມ່ນດິນແດນເດີມຂອງຈີນ ເຊິ່ງຈີນຕັດສິນໃຈຢ່າງເດັດດ່ຽວໜຽວແໜ້ນເພື່ອປົກປັກຮັກສາອະທິປະໄຕຂອງດິນແດນ. ບໍ່ວ່າຍີ່ປຸ່ນເວົ້າຫຍັງ, ເຮັດຫຍັງ ລ້ວນແຕ່ບໍ່ສາມາດປ່ຽນແປງຄວາມຈິງທີ່ວ່າເກາະຕ້ຽວຢີຂຶ້ນກັບຈີນ. ດ້ວຍຄວາມຈິງດັ່ງກ່າວ ພວກເຮົາທວງໃຫ້ຍີ່ປຸ່ນຈົ່ງເຄົາລົບຄວາມຈິງທາງປະຫວັດສາດ, ຢຸດການທ້າທາຍເກາະຜິດ, ສຶກສາຄົນຮຸ່ນໜຸ່ມດ້ວຍທັດນະນະປະຫວັດສາດທີ່ຖືກຕ້ອງ ແລະສະແດງໃຫ້ເຫັນເຖິງຄວາມຈິງໃຈໃນການປັບປຸງສາຍພົວພັນກັບຈີນດ້ວຍການກະທຳຕົວຈິງ."