ກິດຈະກຳ "ການທ່ອງທ່ຽວວັດທະນະທຳອາຊຽນປັກກິ່ງ" 2017 ທີ່ຈັດຂຶ້ນໂດຍສະມາຄົມມິດຕະພາບຕໍ່ຕ່າງປະເທດນະຄອນຫຼວງປັກກິ່ງ, ສູນຈີນ-ອາຊຽນ, ອຳນາດການປົກຄອງເມືອງຊີ່ເຊີງນະຄອນຫຼວງປັກກິ່ງ ແລະສູນແລກປ່ຽນວັດທະນະທຳຫວຽດນາມຈີນກະຊວງວັດທະນະທຳ, ກິລາແລະທ່ອງທ່ຽວຫວຽດນາມ ໄດ້ສິ້ນສຸດລົງຢ່າງຈົບງາມຢູ່ມະຫາວິທະຍາໄລວັດທະນະທຳຮ່າໂນ້ຍຫວຽດນາມໃນວັນທີ 15 ກຸມພານີ້ ເຊິ່ງເປັນກິດຈະກຳຄັ້ງສຸດທ້າຍຂອງລະບົບ "ຫຼິ້ນບຸນກຸດຈີນຢ່າງມ່ວນຊື່ນ" ປະຈຳປີນີ້.
ທ່ານ ຫງວຽນວັນເກືອງ ຫົວໜ້າສູນແລກປ່ຽນວັດທະນະທຳຫວຽດນາມຈີນກະຊວງວັດທະນະທຳ, ກິລາແລະທ່ອງທ່ຽວຫວຽດນາມ ໄດ້ກ່າວສະແດງຄວາມຂອບໃຈເປັນພິເສດຕໍ່ເພື່ອນມິດປັກກິ່ງທີ່ນຳເອົາໂຄງການມໍລະດົກທີ່ບໍ່ແມ່ນວັດຖຸທີ່ມີເອກະລັກເຂັ້ມຂຸ້ນຂອງຈີນນັ້ນມາສູ່ປະເທດຕົນ. ແນວໃດກໍດີ, ການທ່ອງທ່ຽວວັດທະນະທຳອາຊຽນຄັ້ງນີ້ ມີຄວາມໝາຍເລິກເຊິ່ງຍາວນານ ເຊິ່ງໄດ້ປະກອບສ່ວນສົ່ງເສີມມິດຕະພາບອັນເປັນມູນເຊື້ອລະຫວ່າງສອງປະເທດ ແລະຍົກສູງຄວາມເຂົ້າໃຈກັນລະຫວ່າງປະຊາຊົນສອງຊາດຕື່ມອີກ.
ທ່ານ ຮົງສຽວຢົງ ເອກອັກຄະລັດຖະທູດຈີນປະຈຳຫວຽດນາມ ກໍໄດ້ຕີລາຄາສູງຕໍ່ກິດຈະກຳຄັ້ງນີ້ເຊັ່ນດຽວກັນ.