ຕາມຂ່າວສານຊິນຮວາ: ສະພາການຄ້າຈີນຂອງສິງກະໂປ ໄດ້ຈັດກິດຈະກຳຢູ່ຕໍ່ໜ້າອະນຸສາວະລີປະຊາຊົນຜູ້ເສຍຊີວິດໃນໄລຍະຖືກຍີ່ປຸ່ນຍຶດຄອງ ຢູ່ໃຈກາງເມືອງເມື່ອວັນທີ 15 ກຸມພານີ້ ເພື່ອໄວ້ອາໄລເຖິງປະຊາຊົນທີ່ຖືກສັງຫານໃນໄລຍະດັ່ງກ່າວ.
ທ່ານນາງ ເກຣສ໌ ຟູໄຮຢຽນ ລັດຖະມົນຕີກະຊວງວັດທະນະທຳ, ເຂດຊຸມຊົນແລະຊາວໜຸ່ມສິງກະໂປ ໃຫ້ສຳພາດຕໍ່ນັກຂ່າວວ່າ, ການໄວ້ອາໄລທີ່ຈັດຂຶ້ນທຸກປີ ເພື່ອເນັ້ນຄວາມສຳຄັນໃນການປົກປ້ອງສິງກະໂປໃຫ້ແກ່ຊາວສິງກະໂປ ໂດຍສະເພາະຄົນຮຸ່ນໜຸ່ມ ເພາະວ່າການປ້ອງກັນປະເທດຊາດແມ່ນໜ້າທີ່ຂອງທຸກຄົນ.
ວັນທີ 15 ກຸມພາປີ 1942 ຍີ່ປຸ່ນໄດ້ຍຶດຄອງສິງກະໂປ ແລະເລີ່ມປົກຄອງສິງກະໂປເປັນເວລາສາມປີເຄິ່ງ. ຕາມສະຖິຕິບໍ່ຄົບຖ້ວນ ມີຊາວສິງກະໂປເຊື້ອສາຍຈີນຢ່າງໜ້ອຍ 5 ໝື່ນຄົນຖືກສັງຫານ.