ພິທີໄຂງານວາງສະແດງຜົນສຳເລັດຂອງບໍລິສັດຈີນທີ່ຊ່ວຍກໍ່ສ້າງໄຟຟ້າກຳປູເຈຍໄດ້ຈັດຂຶ້ນຢູ່ນະຄອນຫຼວງພະນົມເປັນໃນວັນທີ 16 ກຸມພານີ້ໂດຍທ່ານສົງໂປ່ ເອກອັກຄະລັດຖະທູດຈີນປະຈຳກຳປູເຈຍ, ທ່ານຊຸຍເຊັມ ລັດຖະມົນຕີກະຊວງບໍ່ແຮ່ແລະພະລັງງານກຳປູເຈຍ, ຜູ້ຕາງໜ້າບໍລິສັດຈີນແລະແຂກຖືກເຊີນເຂົ້າຮ່ວມປະມານ 100 ຄົນ.
ທ່ານຊຸຍເຊັມກ່າວໃນພິທີດັ່ງກ່າວວ່າ: ກຳປູເຈຍຍິນດີຕ້ອນຮັບບໍລິສັດທັງພາຍໃນແລະຕ່າງປະເທດໃນການເຂົ້າມາລົງທຶນກໍ່ສ້າງພື້ນຖານໂຄງລ່າງຢູ່ປະເທດຕົນເຊັ່ນພະລັງງານໄຟຟ້າແລະອື່ນໆ ເພື່ອເປັນສ່ວນສຳຄັນຊຸກຍູ້ການພັດທະນາເສດຖະກິດ-ສັງຄົມແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ສຳລັບງານວາງສະແດງເທື່ອນີ້ຈະຊ່ວຍເຮັດໃຫ້ປະຊາຊົນກຳປູເຈຍໂດຍສະເພາະຊ່າວໜຸ່ມນັກຮຽນນັກສຶກສາມີຄວາມຮູ້ດ້ານໄຟຟ້ານ້ຳຕົກແລະເຫັນໄດ້ຄວາມໝາຍສຳຄັນໃນການພັດທະນາໄຟຟ້ານ້ຳຕົກ.
ຂ່າວແຈ້ງວ່າ: ນັບແຕ່ປີ 2007 ເປັນຕົ້ນມາ, ລັດຖະບານກຳປູເຈຍໄດ້ຕັ້ງໜ້າປະຕິບັດຍຸດທະສາດພັດທະນາພະລັງງານໄຟຟ້າແລະຖືເອົາເປັນບຸລິມະສິດໂດຍໄດ້ອອກແຮງຊຸກຍູ້ການກໍ່ສ້າງພະລັງງານໄຟຟ້າ ຂະນະທີ່ປັດຈຸບັນສາມາດກຸ້ມຕົນເອງດ້ານພະລັງງານໄຟຟ້າໄດ້ຫຼາຍກວ່າ 80% ແລ້ວແລະມາເຖິງປີ 2016, ບໍລິສັດໄຟຟ້າຈີນຢູ່ກຳປູເຈຍສາມາດສະໜອງການຜະລິດໄຟຟ້ານ້ຳຕົກແລະໄຟຟ້າຖີ່ນຫີນກວມເກືອບ 80% ຂອງຍອດປະລິມານການຜະລິດໄຟຟ້າທົ່ວປະເທດ.