ທ່ານເກິງສວງ ໂຄສົກກະຊວງການຕ່າງປະເທດຈີນ ກ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 16 ກຸມພານີ້ວ່າ: ວັນທີ 15 ກຸມພານີ້, ໜ່ວຍງານທີ່ກ່ຽວຂ້ອງຂອງສອງປະເທດຈີນແລະ ສ.ເກົາຫຼີໄດ້ບັນລຸການຕົກລົງກັນຫຼັງປຶກສາຫາລືຢູ່ນະຄອນຫຼວງເຊອຸນ ວ່າ, ສ.ເກົາຫຼີຈະມອບອັດຖິທະຫານອາສາສະໝັກປະຊາຊົນຈີນທີ່ເສຍສະຫຼະຢູ່ປະເທດດັ່ງກ່າວອີກ 20 ກວ່າຄົນ ພ້ອມສິ່ງເສດເຫຼືອທີ່ກ່ຽວຂ້ອງໃຫ້ແກ່ຈີນໃນວັນທີ 22 ມີນາໜ້ານີ້.
ທ່ານເກິງສວງ ກ່າວຕື່ມວ່າ: ນັບແຕ່ປີ 2014 ຫາປີ 2016, ສ.ເກົາຫຼີແລະຈີນໄດ້ມອບຮັບອັດຖິທະຫານອາສາສະໝັກປະຊາຊົນຈີນຜູ້ເສຍສະຫຼະແລ້ວ 541 ຄົນ, ຂະນະທີ່ປີນີ້ແມ່ນເທື່ອທຳອິດຂອງການມອບຮັບອັດຖິ. ແນວໃດກໍດີ, ຈີນຈະສືບຕໍ່ປຶກສາຫາລືແລະຮ່ວມມືກັບ ສ.ເກົາຫຼີ ເພື່ອເຮັດໃຫ້ການມອບຮັບດັ່ງກ່າວດຳເນີນໄປດ້ວຍດີ.