ທ່ານອາເມັດ ອາບຸນ ເກັດ ເລຂາທິການໃຫຍ່ສັນນິບາດປະເທດອາຣັບ ໄດ້ອອກຖະແຫຼງການໃນວັນທີ 16 ກຸມພານີ້ວ່າ: ການບັນລຸສັນຕິພາບຢູ່ຕາເວັນອອກກາງຕ້ອງການ "ແຜນການບັນລຸການຢູ່ຮ່ວມກັນໂດຍສັນຕິຢ່າງຖາວອນລະຫວ່າງປາແລັສຕິນ-ອິສຣາແອນ".
ທັງນີ້, ທ່ານໂດນັນ ທຣຳ ປະທານາທິບໍດີອາເມລິກາ ກ່າວໃນການຖະແຫຼງຂ່າວຮ່ວມກັບທ່ານເບນຈາມິນ ເນຕັນຢາຮູ ນາຍົກລັດຖະມົນຕີອິສຣາແອນທີ່ພວມຢ້ຽມຢາມອາເມລິກາ ວ່າ: ຕົນສະໜັບສະໜູນການບັນລຸສັນຕິພາບລະຫວ່າງປາແລັສຕິນ-ອິສຣາແອນ ບໍ່ວ່າຈະເປັນ "ແຜນການປະເທດດຽວ" ຫຼື "ແຜນການສອງປະເທດ" ນີ້ແມ່ນການປ່ຽນແປງທ່າທີຢ່າງໃຫຍ່ຂອງທ່ານທຣຳ ເມື່ອທຽບໃສ່ຫຼັກໝັ້ນຂອງລັດຖະບານອາເມລິກາຫຼາຍຊຸດຜ່ານມາທີ່ສະໜັບສະໜູນ "ແຜນການສອງປະເທດ".
ທ່ານມາມຸດ ອັບບັສ ປະທານາທິບໍດີປາແລັສຕິນ ໄດ້ຖະແຫຼງຂ່າວໃນວັນທີ 16 ກຸມພານີ້ວ່າ: ຕົນຍຶດໝັ້ນ "ແຜນການສອງປະເທດ" ຢ່າງສະເໝີຕົ້ນສະເໝີປາຍ. ຂະນະທີ່ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ ກໍກ່າວຢູ່ນະຄອນຫຼວງເລີແກ ປະເທດເອຢິບໃນວັນທີ 15 ກຸມພານີ້ວ່າ: ນອກຈາກ "ແຜນການສອງປະເທດ" ແລ້ວ ບໍ່ມີຊ່ອງທາງອື່ນໃດທີ່ສາມາດແກ້ໄຂບັນຫາປາແລັສຕິນ-ອິສຣາແອນໄດ້.