ວັນທີ 16 ກຸມພານີ້, ທ່ານຊຸນຢີ້ ທີ່ປຶກສາທູດຂອງສະຖາທູດຈີນປະຈຳຟີລິບປີນໄດ້ມອບເງິນ 5 ໝື່ນໂດລາທີ່ເປັນການຊ່ວຍເຫຼືອດ້ານມະນຸດສະທຳຈາກສະພາກາແດງຈີນໃຫ້ແກ່ສະພາກາແດງຟີລິບປີນ, ເພື່ອໃຊ້ໃນການກູ້ໄພຢູ່ເຂດປະສົບໄພແຜ່ນດິນໄຫວທີ່ເກີດຂຶ້ນຢູ່ພາກໃຕ້ຟີລິບປີນ, ໂດຍທ່ານວິລະນຸເອວາ ຫົວໜ້າພະແນກທຶນຊ່ວຍເຫຼືອຂອງສະພາກາແດງຟີລິບປີນໄດ້ຕາງໜ້າຮັບເອົາເງິນຊ່ວຍເຫຼືອດັ່ງກ່າວແລະກ່າວສະແດງຄວາມຂອບໃຈຕໍ່ການຊ່ວຍເຫຼືອຢ່າງຈິງໃຈຂອງຈີນ.
ຕອນຄ່ຳວັນທີ 10 ກຸມພານີ້, ແຂວງຊຸຣິກາວພາກໃຕ້ຟີລິບປີນໄດ້ປະສົບໄພແຜ່ນດິນໄຫວໜັກໜ່ວງທີ່ສຸດໃນຮອບຮ້ອຍປີ, ສົ່ງຜົນເຮັດໃຫ້ຮ້ອຍກວ່າຄົນເສຍຊີວິດແລະບາດເຈັບ, ສະໜາມບິນແລະທາງຫຼວງຖືກທຳລາຍຢ່າງຫຼວງຫຼາຍ.
ຂ່າວແຈ້ງວ່າໃນວັນທີ 15 ກຸມພານີ້, ກະຊວງການຄ້າຈີນປະກາດວ່າ, ເພື່ອຊ່ວຍເຫຼືອປະຊາຊົນແລະລັດຖະບານຟີລິບປີນຮັບມືກັບໄພພິບັດແລະກູ້ໄພ, ລັດຖະບານຈີນໄດ້ຕົກລົງຊ່ວຍເຫຼືອດ້ານມະນຸດສະທຳສຸກເສີນ 1 ລ້ານໂດລາ.