ຕາມຂ່າວສານຊິນຮວາ: ທ່ານອາເມັດ ຈາຮິດ ຮາມີດີ ຮອງນາຍົກລັດຖະມົນຕີມາເລເຊຍກ່າວໃນການຖະແຫຼງຂ່າວໃນວັນທີ 16 ກຸມພາວ່າ, ອີງຕາມການແຈ້ງການຂອງເຈົ້າໜ້າທີ່ຕຳຫຼວດ ແລະການຢືນຢັນຂອງສະຖານທູດ ສປປ ເກົາຫຼີປະຈຳມາເລເຊຍ, ຊາຍ ສປປ ເກົາຫຼີທີ່ເສຍຊີວິດຢູ່ສະໜາມບິນຄືກິມຈົງນຳ ອ້າຍຕ່າງແມ່ຂອງທ່ານກິມຈົງອຸນ ຜູ້ນຳສູງສຸດ ສປປເກົາຫຼີ.
ທ່ານຈາຮິດກ່າວວ່າ, ສະຖານທູດ ສປປ ເກົາຫຼີປະຈຳມາເລເຊຍໄດ້ຮຽກຮ້ອງໃຫ້ເຈົ້າໜ້າທີ່ມາເລເຊຍມອບສົບຂອງກິມຈົງນຳ, ແຕ່ມາເລເຊຍຕ້ອງສັນລະສູດຕາມຂັ້ນຕອນຕ່າງໆໃຫ້ສຳເລັດກ່ອນ ໂດຍຕຳຫຼວດແລະແພດໂຮງໝໍມາເລເຊຍຈະເປີດເຜີຍຜົນການສັນລະສູດ. ສຳລັບມູນເຫດທີ່ກິມຈົງນຳໄປມາເລເຊຍ, ທ່ານຈາຮິດກ່າວວ່າ ຕ້ອງລໍຖ້າຜົນການກວດກາຂອງເຈົ້າໜ້າທີ່ຕຳຫຼວດກ່ອນ.
 |
