ຕາມຂ່າວສານຊິນຮວາ: ສະຖາບັນຄົ້ນຄວ້າເສດຖະກິດອີຟູເຢຍລະມັນ ໄດ້ເຜີຍແຜ່ຜົນການສຳຫຼວດໃນວັນທີ 16 ກຸມພານີ້ ໂດຍນັກເສດຖະສາດເຢຍລະມັນສ່ວນຫຼາຍເຫັນວ່າ, ການທີ່ອັງກິດຖອນອອກຈາກສະຫະພາບເອີຣົບ ຈະເຮັດໃຫ້ສອງຝ່າຍໄດ້ຮັບຜົນສະທ້ອນທາງລົບ.
ສາສະດາຈານເສດຖະສາດເຢຍລະມັນ 125 ຄົນທີ່ຖືກສຳພາດນັ້ນ, 63% ເຫັນວ່າ, ນະໂຍບາຍການຄ້າຂອງສະຫະພາບເອີຣົບໃນອະນາຄົດ ຈະມີສີສັນຂອງລັດທິປົກປ້ອງຫຼາຍກວ່າເກົ່າ. ຂະນະທີ່ 70% ເຫັນວ່າ, ລັດຖະບານອັງກິດຫວັງເຊັນສັນຍາການຄ້າເສລີສະບັບໃໝ່ທີ່ມີເນື້ອໃນກວ້າງຂວາງກັບສະຫະພາບເອີຣົບພາຍໃນສອງປີຂ້າງໜ້າ, ແຕ່ເວລານີ້ ບໍ່ແທດເໝາະກັບສະພາບຕົວຈິງ. ແນວໃດກໍດີ ມີພຽງແຕ່ 21% ເທົ່ານັ້ນທີ່ເຫັນວ່າ, ສອງຝ່າຍຈະສາມາດເຊັນສັນຍາດັ່ງກ່າວໄດ້ພາຍໃນສອງປີ.
ນັກເສດຖະສາດທີ່ຖືກສຳພາດ ສ່ວນຫຼາຍຍັງເຫັນວ່າ, ອັງກິດຈະມີຖານະໃນການເຈລະຈາກັບສະຫະພາບເອີຣົບໃນຕໍ່ໜ້າອ່ອນກວ່າ, ແຕ່ກໍມີຄວາມເປັນໄປໄດ້ທີ່ອັງກິດອາດຈະເຊັນສັນຍາການຄ້າເສລີກັບອາເມລິກາ.