ວັນທີ 17 ກຸມພານີ້, ພິທີເປີດກິດຈະກຳ"ສຳຜັດປະເທດຈີນ ເມືອງຮາງໂຈ່ວທີ່ປະທັບໃຈທີ່ສຸດ"ຄືກິດຈະກຳໂຄສະນາການທ່ອງທ່ຽວອາຊີອາຄະເນໄດ້ຈັດຂຶ້ນຢູ່ສູນວັດທະນະທຳຈີນທີ່ນະຄອນຫຼວງບາງກອກຂອງໄທ. ທ່ານເຊິນຈ່ຽງ ທີ່ປຶກສາວັດທະນະທຳສະຖານທູດຈີນປະຈຳໄທ, ທ່ານຫຼີວຢູເຝິ່ງ ຜູ້ຕິດຕາມສະພາບການຂອງຄະນະກຳມະການທ່ອງທ່ຽວເມືອງຮາງໂຈ່ວ, ທ່ານຈະຕຸລົງ ໃຈຊ່າງ ອະດີດຮອງນາຍົກລັດຖະມົນຕີໄທແລະແຂກທ່ານອື່ນໆໄດ້ເຂົ້າຮ່ວມພິທີດັ່ງກ່າວ.
ທ່ານເຊິນຈ່ຽງ ທີ່ປຶກສາວັດທະນະທຳສະຖານທູດຈີນປະຈຳໄທໄດ້ກ່າວຄຳປາໄສໃນພິທີເປີດວ່າ: ກອງປະຊຸມສຸດຍອດ G20 ທີ່ຈັດຂຶ້ນຢູ່ເມືອງຮາງໂຈ່ວຂອງຈີນໃນປີຜ່ານມາໄດ້ເຮັດໃຫ້ຊາວໂລກຮູ້ຈັກເມືອງຮ່າງໂຈ່ວຫຼາຍຂຶ້ນກວ່າເກົ່າແລະເຊື່ອໝັ້ນວ່າການແລກປ່ຽນລະຫວ່າງເມືອງຮາງໂຈ່ວກັບອາຊີອາຄະເນຈະມີອະນາຄົດທີ່ສົດໄສ.
ໃນໂອກາດດຽວກັນນີ້,ທ່ານກອບກິດ ປຼາດິດພົນພານິດ ຜູ້ວ່າການຄະນະສື່ສານມວນຊົນຂອງມະຫາວິທະຍາໄລທຸລະກິດບັນດິດຂອງໄທກໍໄດ້ບັນລະຍາຍກ່ຽວກັບປະຫວັດສາດ ວັດທະນະທຳແລະການພັດທະນາທີ່ທັນສະໄໝຂອງເມືອງຮາງໂຈ່ວ, ແລະຫວັງວ່າຈະມີນັກທ່ອງທ່ຽວໄທໄປທ່ຽວເມືອງຮາງໂຈ່ວຫຼາຍຂຶ້ນກວ່າເກົ່າ.