ຕາມຂ່າວCRI: ວັນທີ 17 ກຸມພານີ້ຕາມເວລາທ້ອງຖິ່ນ, ທ່ານຫວາງອີ້, ລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານເລັຄສ ທີວເລີສັນ, ລັດຖະມົນຕີກະຊວງການຕ່າງປະເທດອາເມລິກາໃນເວລາເຂົ້າຮ່ວມກອງປະຊຸມລັດຖະມົນຕີກະຊວງການຕ່າງປະເທດກຸ່ມ 20 ປະເທດຫຼື G20 ທີ່ນະຄອນບູນຂອງເຢຍລະມັນ.
ທ່ານຫວາງອີ້ກ່າວວ່າ, ການໂອ້ລົມກັນທາງໂທລະສັບລະຫວ່າງທ່ານສີຈີນຜີງກັບທ່ານໂດນັນ ທຣຳ, ປະທານາທິບໍດີອາເມລິກາໃນຫວ່າງກ່ອນນີ້ບໍ່ດົນມີຄວາມສຳຄັນຫຼາຍ. ອາເມລິກາໄດ້ກ່າວຢ່າງຈະແຈ້ງວ່າສືບຕໍ່ຍຶດໝັ້ນນະໂຍບາຍທີ່ມີຈີນດຽວ, ປະມຸກລັດສອງປະເທດໄດ້ເຫັນເປັນເອກະສັນກັນວ່າຈີນກັບອາເມລິກາສາມາດເປັນຄູ່ຮ່ວມມືທີ່ດີ, ຄວນຊຸກຍູ້ໃຫ້ການພົວພັນລະຫວ່າງສອງປະເທດໄດ້ຮັບການພັດທະນາຢ່າງໃຫຍ່ຫຼວງກວ່າເກົ່າບົນພື້ນຖານໃໝ່.ຄວາມເຫັນທີ່ເປັນເອກະພາບກັນນີ້ໄດ້ປົກປັກຮັກສາພື້ນຖານທາງການເມືອງຂອງການພົວພັນລະຫວ່າງສອງປະເທດ, ໄດ້ໃຫ້ການຊີ້ນຳຢ່າງຈະແຈ້ງຕໍ່ການພັດທະນາດ້ານການພົວພັນລະຫວ່າງຈີນກັບອາເມລິກາໃນຍຸກສະໄໝໃໝ່, ໄດ້ສ້າງເງື່ອນໄຂຢ່າງມີຄວາມຈຳເປັນໃຫ້ແກ່ການເສີນຂະຫຍາຍການຮ່ວມມືຍຸດທະສາດຮອບດ້ານພາຍໃນຂອບສອງຝ່າຍ, ແລະພາກພື້ນ.
ທ່ານເລັຄສ ທີວໂຊນກ່າວວ່າ, ອາເມລິກາກ່າວຢ້ຳວ່າຈະປະຕິບັດນະໂຍບາຍທີ່ມີຈີນດຽວ, ເຊິ່ງບໍ່ພຽງແຕ່ມີຄວາມສຳຄັນຕໍ່ການພົວພັນລະຫວ່າງສອງປະເທດ, ກໍ່ມີຜົນດີຕໍ່ການພັດທະນາຢ່າງສະຖຽນລະພາບຂອງພາກພື້ນ.