ວັນທີ 19 ກຸມພານີ້, ທ່ານສີຈີ້ນພິງ ປະທານປະເທດຈີນແລະທ່ານໂມຣີຊີໂອ ມາກຣີ ປະທານາທິບໍດີອາກຊັງຕິນໄດ້ສົ່ງໂທລະເລກອວຍພອນແກ່ກັນ, ເພື່ອສະເຫຼີມສະຫຼອງສອງປະເທດສ້າງການພົວພັນທາງການທູດຄົບຮອບ 45 ປີ.
ທ່ານສີຈີ້ນພິງກ່າວໃນໂທລະເລກອວຍພອນວ່າ, ຈີນແລະອາກຊັງຕິນແມ່ນເພື່ອນມິດທີ່ໄວ້ເນື້ອເຊື່ອໃຈກັນແລະຄູ່ຮ່ວມທີ່ຕ່າງຝ່າຍຕ່າງມີຜົນປະໂຫຍດ. ສອງປະເທດສ້າງການພົວພັນທາງການທູດຕະຫຼອດ 45 ປີມານີ້, ດ້ວຍຄວາມພະຍາຍາມຮ່ວມຂອງສອງຝ່າຍ, ການພົວພັນລະຫວ່າງສອງປະເທດໄດ້ ຂະຫຍາຍຕົວຍ່າງວ່ອງໄວ. ປີຜ່ານມານີ້, ຂ້າພະເຈົ້າກັບທ່ານໄດ້ພົບປະກັນສອງເທື່ອ, ແລະໄດ້ບັນລຸຂໍ້ຕົກລົງສຳຄັນກ່ຽວກັບການເພີ່ມທະວີການຮ່ວມມືລະຫວ່າງສອງຝ່າຍໃນຂົງເຂດຕ່າງໆ. ແນວໃດກໍດີ, ຂ້າພະເຈົ້າໃຫ້ຄວາມສຳຄັນການຂະຫຍາຍຕົວຂອງສາຍພົວພັນລະຫວ່າງຈີນກັບອາກຊັງຕິນໃນລະດັບສູງ, ຍິນດີພ້ອມກັບທ່ານສ້າງອະນາຄົດອັນດີງາມກວ່າເກົ່າຂອງການພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດ, ເພື່ອສ້າງຄວາມຜາສຸກໃຫ້ແກ່ສອງປະເທດແລະປະຊາຊົນສອງຊາດ.
ທ່ານມາກຣີກ່າວໃນໂທລະເລກອວຍພອນວ່າ, ຫຼັງອາກຊັງຕິນກັບຈີນສ້າງການພົວພັນທາງການທູດເມື່ອປີ 1972 ເປັນຕົ້ນມາ, ການຮ່ວມມືແລະໄມຕີຈິດມິດຕະພາບລະຫວ່າງສອງຝ່າຍໄດ້ເຂົ້າສູ່ລວງເລິກຢ່າງຕໍ່ເນື່ອງ, ການພົວພັນລະຫວ່າງສອງປະເທດໄດ້ຍົກສູງຂຶ້ນເປັນຄູ່ຮ່ວມດທະສາດຮອບດ້ານທີ່ເປັນລະດັບໃໝ່. ອາກຊັງຕິນແລະຈີນລ້ວນແຕ່ມີວາລະການພັດທະນາທີ່ຍິ່ງໃຫຍ່, ສອງຝ່າຍຄວນສະໜັບສະໜູນເຊິ່ງກັນແລະກັນ, ຮ່ວມຮັບມືກັບສິ່ງທ້າທາຍ, ພັດທະນາຮ່ວມກັນແລະເສີມສ້າງຄວາມຜາສຸກໃຫ້ແກ່ປະຊາຊົນສອງຊາດ. ແນວໃດກໍດີ,ອາກຊັງຕິນຍິນດີພະຍາຍາມຮ່ວມກັບຈີນ, ຊຸກຍູ້ການພົວພັນລະຫວ່າງສອງປະເທດໃຫ້ພັດທະນາກ້າວໄປໜ້າຢ່າງບໍ່ຢຸດຢັ້ງ.