ງານວາງສະແດງວຽກງານປ້ອງກັນຊາດສາກົນຄັ້ງທີ 13 ທີ່ຈະດຳເນີນເປັນເວລາ 5 ວັນໄດ້ໄຂຂຶ້ນຢູ່ສູນວາງສະແດງແຫ່ງຊາດນະຄອນຫຼວງອາບູດາບີປະເທດສະຫະລັດອາຣັບເອມີເຣດໃນວັນທີ 19 ກຸມພານີ້ ໂດຍຄະນະຜູ້ແທນຈີນທີ່ປະກອບດ້ວຍບໍລິສັດການຄ້າການທະຫານ 8 ແຫ່ງ ເຊິ່ງນຳໂດຍກົມອຸດສາຫະກຳວິທະຍາສາດເຕັກໂນໂລຊີປ້ອງກັນຊາດຈີນໄດ້ເຂົ້າຮ່ວມ ໃນການວາງສະແດງເຖິງ 1458 ຕາແມັດ ເຊິ່ງຖືວ່າເປັນສະຖິຕິໃໝ່ໃນປະຫວັດການເຂົ້າຮ່ວມງານດັ່ງກ່າວຂອງຈີນ.
ໃນໄລຍະດັ່ງກ່າວ, ຄະນະຜູ້ແທນຈີນຍັງຈະມອບໃຫ້ບໍລິສັດການຄ້າການທະຫານເຈລະຈາການຄ້າການທະຫານກັບປະເທດແລະເຂດແຄວ້ນກ່ຽວຂ້ອງ.
ງານວາງສະແດງວຽກງານປ້ອງກັນຊາດສາກົນອາບູດາບີຈັດຂຶ້ນເມື່ອປີ 1993 ແລະໄດ້ຈັດຂຶ້ນສອງປີເທື່ອໜຶ່ງແລະປັດຈຸບັນກໍໄດ້ກາຍເປັນງານວາງສະແດງວຽກງານປ້ອງກັນຊາດທີ່ໃຫຍ່ທີ່ສຸດແລະມີຊື່ສຽງຫຼາຍທີ່ສຸດໃນພາກພື້ນອາຊີຕາເວັນຕົກແລະອາຟຣິກກາເໜືອ ທັງເປັນໜຶ່ງໃນບັນດາງານວາງສະແດງອຸດສາຫະກຳການທະຫານ,ອາວຸດຍຸດໂທປະກອນປ້ອງກັນຊາດລະດັບໂລກ.
 |
