ວັນທີ 19 ກຸມພານີ້,ຢູ່ເກາະໂບຣາເກ ປະເທດຟິລິບປິນ,ເຈົ້າໜ້າທີ່ການທູດປະເທດອາຊຽນໄດ້ເລີ່ມຫາລືລະດັບສູງກ່ຽວກັບກົດແຫ່ງການປະພຶດຢູ່ທະເລຈີນໃຕ້ໂດຍຫວັງວ່າຈະສາມາດສ້າງກົດແຫ່ງການປະພຶດພາຍໃນປີນີ້ເພື່ອຜ່ອນຄາຍສະຖານະການທີ່ເຄັ່ງຕຶງຢູ່ທະເລຈີນໃຕ້.
ໜັງສືພິມທຸລະກິດຟິລິບປິນລາຍງານໃນວັນທີ 20 ກຸມພານີ້ວ່າ,ຫຼັງຈີນແລະອາຊຽນມີຄວາມຄວາມອົດກັ້ນແລະຫຼີກເວັ້ນການຍຶດຄອງເກາະດອນເຂດພິພາດຢູ່ທະເລຈີນໃຕ້ໃນຖະແຫຼງການປີ 2002,ທັງສອງຝ່າຍກໍລ້ວນແຕ່ພະຍາຍາມສ້າງຂອບດັ່ງກ່າວ.
ທ່ານຊານສ ໂຈເຊ ໂຄສົກກະຊວງການຕ່າງປະເທດຟິລິບປິນກ່າວວ່າ,ອາຊຽນມີຄວາມພະຍາຍາມຫຼາຍທີ່ສຸດເພື່ອຫາລືກົດແຫ່ງການປະພຶດນີ້,ແຕ່ຍັງຕ້ອງໃຊ້ເວລາ.ແນວໃດກໍດີ,ກົດແຫ່ງການປະພຶດຍັງຄົງມີປະໂຫຍດຕໍ່ການຄວບຄຸມການປະພຶດຂອງຝ່າຍຕ່າງໆໃນອະນາຄົດເຊິ່ງ"ການສ້າງກົດແຫ່ງການປະພຶດເພື່ອປົກປັກຮັກສາສັນຕິພາບແລະຄວາມໝັ້ນຄົງແລະຄວບຄຸມສະຖານະການອັນເຄັ່ງຕຶງຂອງພາກພື້ນນີ້ນັ້ນສອດຄ່ອງກັບຜົນປະໂຫຍດຂອງທຸກຄົນ."
ລາຍງານຍັງກ່າວວ່າ,ກ່ອນໜ້ານີ້,ທ່ານເປີເຟັກໂຕ ຢາເຊ ລັດຖະມົນຕີກະຊວງການຕ່າງປະເທດຟິລິບປິນກ່າວວ່າ,ຟິລິບປິນຈະບໍ່ຫາລືຜົນການຕັດສິນຄະດີຂອງອະນຸຍາໂຕຕຸລາການຕໍ່ບັນຫາທະເລຈີນໃຕ້ແຕ່ປະການໃດ.
 |
