ຕາມຂ່າວສານຈີນ:ໃນກອງປະຊຸມສຳມະນາການການຮ່ວມມືປະດິດສ້າງແລະພັດທະນາຂະແໜງການຢາພື້ນເມືອງຈີນທີ່ຈັດຂຶ້ນຢູ່ເມືອງໜານໜິງເຂດກວາງຊີຈີນໃນວັນທີ 19 ກຸມພານີ້,ທ່ານເສົາຄຸນຮວາ ຫົວໜ້າພະແນກວິທະຍາສາດເຕັກໂນໂລຊີເຂດປົກຄອງຕົນເອງເຜົ່າຈ້ວງກວາງຊີຈີນກ່າວວ່າ,ເຂດກວາງຊີຈະສ້າງວົງແຫ່ງການຮ່ວມມືປະດິດສ້າງສາກົນຂະແໜງການຢາພື້ນເມືອງຈີນກັບອາຊຽນຕາມຍຸດທະສາດ "ໜຶ່ງແລວທາງໜຶ່ງເສັ້ນທາງ".
ຫຼັງເຫັນທ່າແຮງດ້ວຍການມີຢາພື້ນເມືອງທີ່ອຸດົມສົມບູນແລະໃກ້ເຂດຮົງກົງ,ມາກາວ,ໄຕ້ຫວັນຈີນແລະອາຊຽນ,ເຂດກວາງຊີຈະກໍ່ສ້າງສູນປະຕິບັດຕົວຈິງເພື່ອເຮັດໃຫ້ນັກວິຊາການຂອງທ້ອງຖິ່ນແລະເຂດຮົງກົງ,ມາກາວເຊື່ອມໂຍງກັນພ້ອມທັງໂຄສະນາມູນເຊື້ອຂອງຂະແໜງການຢາພື້ນເມືອງຈີນຕໍ່ພາກພື້ນອາຊຽນ.
ອີງຕາມແຜນການແລະຕາມຍຸດທະສາດ "ໜຶ່ງແລວທາງໜຶ່ງເສັ້ນທາງ"ນັ້ນ,ເມື່ອເຖິງປີ 2025,ເຂດກວາງຊີຈະສ້າງຕັ້ງວົງແຫ່ງການຮ່ວມມືປະດິດສ້າງຢາພື້ນເມືອງຈີນເຂດກວາງຊີ,ເຂດຮົງກົງ,ເຂດມາກາວ,ເຂດໄຕ້ຫວັນຈີນແລະອາຊຽນເພື່ອຊຸກຍູ້ຊັບພະຍາກອນຢາພື້ນເມືອງຂອງເຂດກວາງຊີກ້າວໄປສູ່ແຂວງທີ່ມີຄວາມເຂັ້ມແຂງດ້ານຊັບພະຍາກອນແລະສ້າງໃຫ້ເປັນແຂວງອຸດສາຫະກຳຢາພື້ນເມືອງທີ່ມີມູນຄ່າເປັນຮ້ອຍຕື້ຢວນ.