ຕາມຂ່າວCRI: ຫວ່າງແລ້ວນີ້, "ໜັງສືພິມການຄ້າລາຍວັນ" ເກນຢາໄດ້ພິມບົດຄວາມ ກຽມສ້າງຕັ້ງອົງການປະເມີນລະດັບສິນເຊື່ອສາກົນອິດສະຫຼະຂອງ 5 ປະເທດບຣິກສ໌.
ບົດຄວາມຂຽນວ່າ, ຄວາມຄິດທີ່ສ້າງຕັ້ງອົງການປະເມີນອິດສະຫຼະໄດ້ສະເໜີອອກມາເປັນຄັ້ງທຳອິດໃນກອງປະຊຸມສຸດຍອດອຸຟາ 5 ປະເທດບຣິກສ໌ 2015 ແລະໄດ້ຢືນຢັນອີກເທື່ອໜຶ່ງໃນ "ຖະແຫຼງການໂກອາ". ປັດຈຸບັນ, ກຸ່ມປະເທດບຣິກສ໌ໄດ້ຮຽກໂຮມຜູ້ຊ່ຽວຊານການທະນາຄານ ເພື່ອປຶກສາຫາລືຮູບແບບການຄ້າ ແລະວິທີຄິດໄລ່ທີ່ກ່ຽວຂ້ອງ ເພື່ອສ້າງຕັ້ງອົງການປະເມີນລະດັບສິນເຊື່ອ.
ບົດຄວາມຍັງຂຽນວ່າ, ການທີ່ໄດ້ປືກສາຫາລືສ້າງຕັ້ງອົງການປະເມີນລະດັບສິນເຊື່ອຂຶ້ນນີ້ເນື່ອງຈາກມາດຕະຖານປະເມີນຂອງ 3 ອົງການປະເມີນລະດັບສິນເຊື່ອໃນໂລກ ຄື ສແຕນດາກແອນພົວ, ມູດີສ໌ ແລະFTICH ແມ່ນປະເທດທີ່ພັດທະນາແລ້ວວາງອອກ ເຊິ່ງມີຄວາມເຫັນທີ່ລຳອຽງດ້ານການເມືອງຕໍ່ການປະເມີນລະດັບສິນເຊື່ອຂອງປະເທດພວມພັດທະນາແລະຕະຫຼາດທີ່ຈະເລີນໃໝ່ ນຳໄປສູ່ການເຮັດໃຫ້ຫຼາຍຝ່າຍບໍ່ພໍໃຈ.