ສື່ມວນຊົນສ ເກົາຫຼີລາຍງານວ່າ: ສານລັດຖະທຳມະນູນສ ເກົາຫຼີໄດ້ພິຈາລະນາຄະດີຖອດຖອນທ່ານນາງປັກກຸນເຮ ປະທານາທິບໍດີສ ເກົາຫຼີເທື່ອທີ 15 ໃນວັນທີ 20 ກຸມພານີ້ ເຊິ່ງສານດັ່ງກ່າວຢືນຢັນວ່າໃນການພິຈາລະນາຄະດີເທື່ອທີ 16 ຄືນໃນວັນທີ 22 ເດືອນດຽວກັນຈະແຈ້ງວັນເວລາພິຈາລະນາຄະດີເປັນເທື່ອສຸດທ້າຍ.
ກ່ອນໜ້ານີ້ບໍ່ດົນ, ຄະນະທະນາຍຄວາມຂອງທ່ານນາງປັກກຸນເຮໄດ້ຍື່ນຄຳຮ້ອງຂໍໃຫ້ສານລັດຖະທຳມະນູນເລື່ອນເວລາພິຈາລະນາຄະດີເທື່ອສຸດທ້າຍໄປເຖິງວັນທີ 2 ຫຼືວັນທີ 3 ເດືອນມີນາໜ້າ, ແຕ່ສານດັ່ງກ່າວໄດ້ປະຕິເສດທັງຮຽກຮ້ອງໃຫ້ຄະນະທະນາຍຄວາມຂອງທ່ານນາງປັກກຸນເຮຕົກລົງກ່ອນວັນທີ 22 ກຸມພານີ້ວ່າ ນາງຈະຂຶ້ນສານຮັບຟັງການດຳເນີນຄະດີຫຼືບໍ່.