ທ່ານເສິງລີ້ເຟິ່ງ ຫົວໜ້າກົມອະນຸລັກລະບົບນິເວດທຳມະຊາດ ກະຊວງອະນຸລັກສິ່ງແວດລ້ອມຈີນ ກ່າວໃນພິທີຖະແຫຼງຂ່າວໃນວັນທີ 20 ກຸມພານີ້ວ່າ: ມາຮອດປັດຈຸບັນ, ຈີນໄດ້ສ້າງເຂດສະຫງວນຂຶ້ນ 2.740 ແຫ່ງ, ໃນນີ້ ເນື້ອທີ່ທາງບົກມີ 1 ລ້ານ 4 ແສນ 2 ໝື່ນກິໂລຕາແມັດ ກວມເນື້ອທີ່ທົ່ວປະເທດປະມານ 14,8% ແລະ ໃນ 2.740 ເຂດດັ່ງກ່າວ, ເຂດສະຫງວນລະດັບຊາດມີ 446 ເຂດ ກວມເນື້ອທີ່ 9 ແສນ 7 ໝື່ນ ກິໂລຕາແມັດ ໂດຍສາມາດສ້າງເປັນຕາໜ່າງເຂດສະຫງວນທີ່ມີຫຼາຍປະເພດ, ມີໂຄງປະກອບສົມເຫດສົມຜົນ ແລະ ມີບົດບາດອ່າວສົມບູນ ຂະນະດຽວກັນກໍແມ່ນໜຶ່ງໃນລະບົບເຂດສະຫງວນທີ່ໃຫຍ່ກວ່າໝູ່ໃນໂລກ.
ທ່ານເສິງລີ້ເຟິ່ງ ກ່າວຕື່ມວ່າ: ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 13, ຈີນຈະຊຸກຍູ້ການອະນຸລັກລະບົບນິເວດທຳມະຊາດໃຫ້ເຂົ້າສູ່ລວງເລິກ, ຂີດເສັ້ນແບ່ງແຫ່ງການອະນຸລັກລະບົບນິເວດທັງສ້າງລະບຽບການຄຸ້ມຄອງແລະຄວບຄຸມຢ່າງເຂັ້ມງວດ, ປັບປຸງໂຄງປະກອບເຂດສະຫງວນໃຫ້ດີຂຶ້ນກວ່າເກົ່າ, ປົກປັກຮັກສາ ແລະ ຮັບປະກັນຄວາມປອດໄພຂອງລະບົບນິເວດແຫ່ງຊາດ.