ທ່ານວະລາດີເມຍ ປູຕິນ ປະທານາທິບໍດີຣັດເຊຍ ໄດ້ລົງນາມໃນຄຳສັ່ງຫວ່າງມໍ່ໆນີ້ ໂດຍປະກາດວ່າ ປະເທດຕົນຮັບຮອງເອກະສານຕ່າງໆທີ່ຢັ້ງຢືນຖານະພົນລະເມືອງອູແກຣນແລະບຸກຄົນບໍ່ມີສັນຊາດຢູ່ບາງເຂດຂອງລັດໂດເນັສ ແລະ ລັດລູຮັນສ໌ ພາກຕາເວັນອອກອູແກຣນ ເປັນການຊົ່ວຄາວ ແລະອະນຸມັດໃຫ້ເຂົາເຈົ້າເຂົ້າອອກຣັດເຊຍ ໂດຍບໍ່ຕ້ອງການຂໍວີຊາກ່ອນ.
ອີງຕາມຄຳສັ່ງຂອງທ່ານປູຕິນ, ຣັດເຊຍຮັບຮອງເອກະສານທີ່ມີຜົນສັກສິດຢູ່ທ້ອງຖິ່ນຂອງພົນລະເມືອງອູແກຣນ ແລະ ບຸກຄົນບໍ່ມີສັນຊາດ ທີ່ຢູ່ປະຈຳບາງເຂດຂອງສອງລັດດັ່ງກ່າວ ໂດຍຊາວທ້ອງຖິ່ນດັ່ງກ່າວມີສິດຖືບັດປະຈຳຕົວ, ຂະນະທີ່ຜູ້ທີ່ອາຍຸຍັງບໍ່ເຕັມ 16 ປີກໍສາມາດຖືໃບຢັ້ງຢືນການເກີດ ເຂົ້າອອກຣັດເຊຍໄດ້ ໂດຍບໍ່ຕ້ອງຂໍວີຊາກ່ອນ.
ນະໂຍບາຍຂອງຣັດເຊຍຄືດັ່ງກ່າວ ໄດ້ເປັນການເພີ່ມທະວີການສະໜັບສະໜູນຊາວລັດໂດເນັສ ແລະ ລັດລູຮັນສ໌ ໂດຍຄຳສັ່ງຂອງທ່ານປູຕິນ ເຮັດໃຫ້ເຂົາເຈົ້າສາມາດເຂົ້າອອກຣັດເຊຍຊອບດ້ວຍກົດໝາຍ ແລະມີຄວາມໝາຍຕົວຈິງໃນລະດັບໃດໜຶ່ງຕໍ່ການປັບປຸງສະພາບການດຳລົງຊີວິດຂອງພົນລະເມືອງໃນສອງລັດດັ່ງກ່າວໃຫ້ດີຂຶ້ນ.