ຊາວຕວກກີ 47 ຄົນຖືກໄຕ່ສວນຢູ່ສານແຫ່ງໜຶ່ງເມືອງມຸກລາ ທາງພາກຕາເວັນຕົກສຽງໃຕ້ຕວກກີໃນວັນທີ 20 ກຸມພານີ້ ໃນຂໍ້ຫາລອບສັງຫານທ່ານເຣເຄັບ ເຕຢິບ ເອີໂດກັນ ປະທານາທິບໍດີປະເທດດັ່ງກ່າວ ໃນເຫດການລັດຖະປະຫານທີ່ຫຼົ້ມເຫຼວເມື່ອປີຜ່ານມາ.
ສື່ມວນຊົນຕວກກີ ລາຍງານວ່າ ຈຳເລີຍທັງ 47 ຄົນດັ່ງກ່າວມີທະຫານ 37 ຄົນຖືກກ່າວຫາຈັດຕັ້ງກອງລອບສັງຫານສະເພາະ, ໃນນີ້ມີ 3 ຄົນຍັງໂຕນໜີ ເຊິ່ງຂໍ້ກ່າວຫາພວກກ່ຽວຕົ້ນຕໍແມ່ນມີເຈຕະນາລອບສັງຫານປະທານາທິບໍດີ, ໂຄ່ນລົ້ມລັດຖະທຳມະນູນ, ເຈດຕະນາຄາດຕະກຳ ແລະອື່ນໆ. ທັງນີ້ ເຈົ້າໜ້າທີ່ໄອຍະການໄດ້ຮຽກຮ້ອງໃຫ້ຕັດສິນທຸກຄົນຈຳຄຸກຕະຫຼອດຊີວິດ.
