ຕາມຂ່າວສານຊິນຮວາ:ວັນທີ 13 ກຸມພານີ້,ຫຼັງຊາຍສປປເກົາຫຼີຄົນໜຶ່ງເສຍຊີວິດຢູ່ມາເລເຊຍ.ທ່ານຊາຮິດ ຮາມິດິ ຮອງນາຍົກລັດຖະມົນຕີມາເລເຊຍກ່າວໃນວັນທີ 16 ກຸມພານີ້ວ່າ,ຜູ້ຊາຍທີ່ເສຍຊີວິດແມ່ນທ່ານກິມຈົ່ງນາມ ອ້າຍຕ່າງແມ່ຂອງທ່ານກິມຈົ່ງອຸນ ຜູ້ນຳສູງສຸດຂອງສປປເກົາຫຼີແລະຫຼັງເກີດເຫດ,ເອກອັກຄະລັດຖະທູດສປປເກົາຫຼີປະຈຳມາເລເຊຍໄດ້ຕຳໜິມາເລເຊຍ ທີ່"ປິດບັງ"ການສືບສວນແລະຕັ້ງໃຈຖ່ວງດຶງການມອບສົບຜູ້ເສຍຊີວິດ.
ວັນທີ 20 ກຸມພານີ້,ກະຊວງການຕ່າງປະເທດມາເລເຊຍໄດ້ເຊີນເອກອັກຄະລັດຖະ ທູດສປປເກົາຫຼີປະຈຳມາເລເຊຍເຂົ້າພົບທັງກ່າວວ່າ,ການທີ່ສປປເກົາຫຼີຕຳໜິມາເລເຊຍຕໍ່ການສືບສວນເຫດການຊາຍສັນຊາດສປປເກົາຫຼີເສຍຊີວິດນັ້ນບໍ່ມີຫຼັກຖານໃດໆເລີຍ.ເພາະວ່າຊາຍສັນຊາດສປປເກົາຫຼີຜູ້ນີ້ເສຍຊີວິດຢ່າງປະຫຼາດຢູ່ມາເລເຊຍ,ລັດຖະບານມາເລເຊຍສືບສວນເພື່ອຊອກຫາສາເຫດການເສຍຊີວິດນັ້ນກໍຍ້ອນໜ້າທີ່ຮັບຜິດຊອບ.
ສ່ວນເອກອັກຄະລັດຖະທູດສປປເກົາຫຼີພັດກ່າວຕອບວ່າ,ສປປເກົາຫຼີບໍ່ໄວ້ເນື້ອເຊື່່ອໃຈການສືບສວນຂອງມາເລເຊຍ.