ຕາມຂ່າວສານຈີນ:ຕໍ່ກໍລະນີທີ່ຈີນພົບບັນຫາການລົງທຶນຢູ່ຕ່າງປະເທດຫຼຸດລົງໃນຕົ້ນປີ 2017,ທ່ານກ່າວຫູເສີງ ລັດຖະມົນຕີກະຊວງການຄ້າຈີນໄດ້ກ່າວຢືນຢັນຢູ່ປັກກິ່ງໃນວັນທີ 21 ກຸມພານີ້ວ່າ,ການລົງທຶນຢູ່ຕ່າງປະເທດຍັງຈະຮັກສາຈັງຫວະການເພີ່ມຂຶ້ນດ້ວຍຄວາມໄວສູງ.
ທ່ານກ່າວວ່າ,ການລົງທຶນຢູ່ຕ່າງປະເທດເປັນໄປຕາມກົດເກນຕະຫຼາດແລະການເລືອກເຟັ້ນຢ່າງເປັນເຈົ້າການຂອງວິສາຫະກິດແລະປັດຈຸບັນ,ຈີນໄດ້ຫັນຈາກການສົ່ງອອກສິນຄ້າເປັນຕົ້ນຕໍກ້າວສູ່ໄລຍະການສົ່ງອອກສິນຄ້າແລະທຶນຮອນທີ່ມີຄວາມສຳຄັນເທົ່າທຽມກັນ, "ການລົງທຶນຢູ່ຕ່າງປະເທດຍັງຈະຮັກສາການເພີ່ມຂຶ້ນດ້ວຍຄວາມໄວສູງ."
ກ່ອນໜ້ານີ້,ທາງການຈີນໄດ້ຢືນຢັນຫຼາຍເທື່ອທີ່ຈະສືບຕໍ່ສະໜັບສະ ໜູນວິສາຫະກິດຈີນທີ່ມີຄວາມສາມາດລົງທຶນຢູ່ຕ່າງປະເທດຕາມຄວາມຈິງແລະຖືກຕ້ອງຕາມກົດໝາຍເພື່ອຊຸກຍູ້ການລົງທຶນຢູ່ຕ່າງປະເທດໃຫ້ພັດທະນາຢ່າງປອດໃສແລະເປັນລະບຽບ.ພ້ອມທັງຈະເພີ່ມທະວີການປຶກສາຫາລືແລະຮ່ວມມືກັບຕ່າງປະເທດເພື່ອສ້າງສະພາບແວດລ້ອມທີ່ດີໃຫ້ແກ່ວິສາຫະກິດລົງທຶນຢູ່ຕ່າງປະເທດຕາມລະບຽບກົດໝາຍສາກົນແລະປົກປັກຮັກສາຜົນປະໂຫຍດຂອງວິສາຫະກິດທີ່ລົງທຶນຢູ່ຕ່າງປະເທດຢ່າງຊອບກົດໝາຍ.
 |
