ຕາມຂ່າວສານຊິນຮວາ:ທ່ານາລີຊຽນລຸງ ນາຍົກລັດຖະມົນຕີສິງກະໂປກ່າວໃນການຖະແຫຼງຂ່າວຮ່ວມກັບທ່ານເນຕັນຢາຮູ ນາຍົກລັດຖະມົນຕີອິດສະລະແອນໃນໂອກາດເດີນທາງຢ້ຽມຢາມໃນວັນທີ 20 ກຸມພານີ້ວ່າ, "ແຜນການສ້າງເປັນສອງປະເທດ"ແມ່ນ ວິທີໜຶ່ງດຽວທີ່ຈະນຳເອົາສັນຕິພາບແລະຄວາມສະຫງົບສຸກມາສູ່ປະຊາຊົນອິດສະລະແອນແລະປາແລັດສະຕິນ".
ໂອກາດພົບປະກັບທ່ານເນຕັນຢາຮູໃນວັນດຽວກັນ,ທ່ານລີຊຽນລຸງໄດ້ກ່າວເຖິງຈຸດຢືນທີ່ສະເໝີຕົ້ນສະເໝີປາຍຂອງສິງກະໂປທີ່ສະໜັບສະໜູນ "ແຜນການສ້າງເປັນສອງປະເທດ",ລວມທັງສະໜັບສະໜູນສິດຂອງອິດສະລະແອນໃນການດຳລົງຊີວິດຢ່າງສັນຕິຕາມຊາຍແດນທີ່ສະຫງົບສຸກແລະສິດຂອງປະຊາຊົນປາແລັດສະຕິນໃນການສ້າງຕັ້ງປະເທດຢ່າງສັນຕິໂດຍເຫັນວ່າສອງຝ່າຍຄວນຮັກສາຄວາມອົດທົນແລະຜ່ອນສັ້ນຜ່ອນຍາວຕໍ່ກັນເພື່ອບັນລຸສັນຕິພາບຢ່າງຖາວອນ.
ທ່ານລີຊຽນລຸງກ່າວຕື່ມວ່າ,ສິງກະໂປຫວັງໃຫ້ອິດສະລະແອນແລະປາແລັດສະຕິນຟື້ນຟູການເຈລະຈາໂດຍກົງເພື່ອຫາວິທີແກ້ໄຂການປະທະກັນທີ່ດຳເນີນມາເປັນເວລາຍາວນານດ້ວຍຄວາມຍຸຕິທຳ,ຖາວອນແລະຮອບດ້ານ.
 |
