ກອງປະຊຸມລັດຖະມົນຕີການຕ່າງປະເທດອາຊຽນທີ່ບໍ່ເປັນທາງການໄດ້ຈັດຂຶ້ນຢູ່ຟີລິບປິນໃນວັນທີ 21 ກຸມພານີ້ ໃນຖານະເປັນປະເທດປະທານໝູນວຽນ ແລະເປັນການຈັດກອງປະຊຸມຕ່າງໆຂອງອາຊຽນເປັນຄັ້ງທຳອິດ ພາຍຫຼັງທ່ານໂຣດຣິໂກ ດູເຕີເຕ ຂຶ້ນດຳລົງຕຳແໜ່ງປະທານາທິບໍດີເປັນຕົ້ນມາ ຈິ່ງໄດ້ສ້າງຄວາມສົນໃຈຈາກພາຍໃນແລະພາຍນອກຫຼາຍທີ່ສຸດ. ໜັງສືພິມການຄ້າຟີລິບປິນສະບັບວັນທີ 20 ຂຽນວ່າ, ບັນດາປະເທດອາຊຽນຫວັງໃຫ້ວາງກົດແຫ່ງການປະພຶດຢູ່ທະເລຈີນໃຕ້ ໃນປີນີ້ ເພື່ອຫຼຸດຜ່ອນສະຖານະການອັນເຄັ່ງຕຶງຢູ່ທະເລຈີນໃຕ້ ໂດຍທ່ານໂກເຣສ໌ ອະດີດທີ່ປຶກສາຄວາມໝັ້ນຄົງແຫ່ງຊາດຟີລິບປິນກ່າວວ່າ, ກົດແຫ່ງການປະພຶດຢູ່ທະເລຈີນໃຕ້ທີ່ເປັນເປັນຮູບເປັນຮ່າງ ແລະມີຜົນບັງຄັບໃຊ້ທາງກົດໝາຍ ນັ້ນຈະກາຍເປັນຜົນງານດ້ານການເມືອງຂອງທ່ານດູເຕີເຕ.
ຖະແຫຼງການຂອງກະຊວງການຕ່າງປະເທດຟີລິບປິນເປີດເຜີຍວ່າ, ກອງປະຊຸມລັດຖະມົນຕີການຕ່າງປະເທດອາຊຽນທີ່ບໍ່ເປັນທາງການຈະຈັດຂຶ້ນຢູ່ເກາະໂບຣາໄກ ໂດຍທ່ານເປີເຟກໂຕ ຢາໄຊ ລັດຖະມົນຕີການຕ່າງປະເທດຟີລິບປິນຈະເປັນປະທານກອງປະຊຸມ ແລະໃນກອງປະຊຸມກໍຈະປຶກສາຫາລືບັນຫາການສ້າງປະຊາຄົມອາຊຽນ ລວມທັງວິໄສທັດ 2025 ຂອງປະຊາຄົມອາຊຽນ ແລະບັນຫາພາກພື້ນແລະສາກົນທີ່ອາຊຽນສົນໃຈ.