ສະຖານທູດຈີນປະຈຳໄທ ໄດ້ຈັດກິດຈະກຳ "ວັນເປີດປະຕູ" ໃນວັນທີ 21 ກຸມພານີ້ ໂດຍເຊີນນັກສຶກສາໄທມາສະຖານທູດ ແລະເຜີຍຄວາມ "ເລິກລັບ" ຂອງສະຖານທູດໃຫ້ເຂົາເຈົ້າໄດ້ຮູ້ໄດ້ເຫັນ ເຮັດໃຫ້ເຂົາເຈົ້າຮັບຮູ້ວຽກງານຕ່າງໆຂອງສະຖານທູດແລະສະພາບການພັດທະນາຂອງຈີນ.
ນີ້ແມ່ນເທື່ອທຳອິດທີ່ສະຖານທູດຈີນຈັດກິດຈະກຳດັ່ງກ່າວ, ຂະນະທີ່ນັກສຶກສາຈາກມະຫາວິທະຍາໄລຈຸລາລົງກອນ, ມະຫາວິທະຍາໄລທຳມະສາດ ແລະ ມະຫາວິທະຍາໄລກະເສດສາດ 100 ກວ່າຄົນໄດ້ເຂົ້າຮ່ວມຢ່າງມ່ວນຊື່ນ.
ທ່ານນິ້ງຟູ້ຂຸຍ ເອກອັກຄະລັດຖະທູດຈີນປະຈຳໄທ ໄດ້ກ່າວວ່າ: ການຈັດກິດຈະກຳນີ້ ກໍເພື່ອໃຫ້ນັກສຶກສາໄທຮັບຮູ້ຈີນ ລວມທັງນ້ຳໃຈໄມຕີຈິດມິດຕະພາບລະຫວ່າງຈີນ-ໄທ.
ມື້ດຽວກັນ, ສະຖານທູດຈີນຍັງໄດ້ຈັດຕັ້ງນັກສຶກສາໄທເຂົ້າຊົມງານວາງສະແດງ "ຄວາມປະທັບໃຈຕໍ່ເສັ້ນທາງສາຍໄໝທົ່ງຫຍ້າ" ແລະ ການສະແດງກັ່ງຟູວັດຊ້າວຫຼິນ ທີ່ຈັດຂຶ້ນຢູ່ສູນວັດທະນະທຳຈີນ ນະຄອນຫຼວງບາງກອກ ເພື່ອສຳຜັດສີສັນແລະມູນເຊື້ອອັນດີງາມຂອງວັດທະນະທຳຈີນ.