ທ່ານຫຼີເຄີ້ສຽງ ນາຍົກລັດຖະມົນຕີຈີນ ແລະ ທ່ານເບີນາດ ຄາເຈີເນິຟ ນາຍົກລັດຖະມົນຕີຝຣັ່ງ ໄດ້ເຂົ້າຮ່ວມພິທີຖະແຫຼງຂ່າວຮ່ວມ ທັງຕອບຄຳຖາມຂອງນັກຂ່າວ ໃນຕອນຄ່ຳວັນທີ 21 ກຸມພານີ້.
ທ່ານຫຼີເຄີ້ສຽງ ໄດ້ແຈ້ງຜົນການພົບປະລະຫວ່າງນາຍົກລັດຖະມົນຕີສອງປະເທດ ແລະກ່າວວ່າ: ສອງຝ່າຍໄດ້ບັນລຸຂໍ້ຕົກລົງຢ່າງກວ້າງຂວາງ ທັງເຫັນວ່າ ສາຍພົວພັນລະຫວ່າງຈີນແລະຝຣັ່ງໄດ້ພັດທະນາຂຶ້ນຮອດລະດັບໃໝ່ໃນປະຫວັດສາດແລະມີຄວາມໝາຍສຳຄັນເກີນຂອບເຂດສາຍພົວພັນລະຫວ່າງສອງຝ່າຍ. ຂະນະທີ່ຈີນແລະຝຣັ່ງໄດ້ເພີ່ມທະວີການແລກປ່ຽນແລະຮ່ວມມື, ຮ່ວມກັນຮັບມືກັບສິ່ງທ້າທາຍຈາກຄວາມສ່ຽງຕ່າງໆ ເປັນການສົ່ງສັນຍານທີ່ມີຄວາມໝັ້ນທ່ຽງແລະພັດທະນາດີຂຶ້ນຕໍ່ໂລກ. ແນວໃດກໍດີ, ຈີນຈະສືບຕໍ່ລົງເລິກການປະຕິຮູບ, ເປີດປະຕູໃຫ້ກວ້າງອອກກວ່າເກົ່າ ແລະ ຍິນດີຮ່ວມກັບປະເທດຕ່າງໆເພື່ອຄັດຄ້ານລັດທິປົກປ້ອງທຸກຮູບແບບ ທັງປົກປັກຮັກສາລະບົບການຄ້າສາກົນ ແລະ ຂອບລັດທິຫຼາຍຝ່າຍທີ່ເປີດກວ້າງ.
ທ່ານຄາເຊີເນິຟ ກ່າວວ່າ: ນາຍົກລັດຖະມົນຕີສອງປະເທດໄດ້ຫາລືກັນດ້ວຍບັນຍາກາດທີ່ສ້າງສັນ. ຂະນະທີ່ການຮ່ວມມືລະຫວ່າງຝຣັ່ງ-ຈີນ ໄດ້ຊຸກຍູ້ການພັດທະນາເສດຖະກິດຂອງແຕ່ລະປະເທດແລະຄວາມຜາສຸກຂອງປະຊາຊົນສອງຊາດ. ແນວໃດກໍດີ, ຝຣັ່ງຍິນດີຮ່ວມກັບຈີນເພື່ອເພີ່ມທະວີການແລກປ່ຽນໃນຂົງເຂດຕ່າງໆ ແລະ ໃນລະດັບຕ່າງໆ, ຮ່ວມຄັດຄ້ານລັດທິປົກປ້ອງການຄ້າ ທັງຊຸກຍູ້ການພັດທະນາແລະຄວາມຈະເລີນຮຸ່ງເຮືອງຮ່ວມກັນລະຫວ່າງຝຣັ່ງ-ຈີນ ແລະເອີຣົບ-ຈີນ ກໍຄືທົ່ວໂລກ.