ທ່ານອານເຟິງຊານ ໂຄສົກຫ້ອງການວຽກງານໄຕ້ຫວັນລັດຖະບານຈີນ ກ່າວໃນພິທີຖະແຫຼງຂ່າວ ໃນວັນທີ 22 ກຸມພານີ້ວ່າ: ບັນຫາໄຕ້ຫວັນແມ່ນວຽກງານພາຍໃນຂອງຈີນ, ພວກຂ້າພະເຈົ້າເດັດດ່ຽວຄັດຄ້ານບໍ່ວ່າຈະເປັນປະເທດໃດໆ ທີ່ຂາຍອາວຸດໃຫ້ໄຕ້ຫວັນ ຫຼື ຮ່ວມມືດ້ານການທະຫານກັບໄຕ້ຫວັນ ເຊິ່ງຫຼັກໝັ້ນນີ້ໃຜໆ ກໍຮູ້ກັນໝົດແລ້ວ.
ທ່ານອານເຟິງຊານ ຍັງເນັ້ນວ່າ: ສອງຝັ່ງຊ່ອງແຄບແມ່ນຂຶ້ນກັບຈີນແລະເປັນປະເທດດຽວ, ຂະນະທີ່ໄຕ້ຫວັນແມ່ນດິນແດນຂອງຈີນທີ່ຕັດແຍກອອກບໍ່ໄດ້ ແລະ ກໍບໍ່ໄດ້ເປັນປະເທດໜຶ່ງຈັກເທື່ອເລີຍ. ພວກຂ້າພະເຈົ້າເດັດດ່ຽວຍຶດໝັ້ນຫຼັກໝັ້ນຈີນດຽວ ແລະ ຄັດຄ້ານອິດທິກຳລັງແບ່ງແຍກໄຕ້ຫວັນ ໂດຍຈະບໍ່ມີວັນປ່ຽນແປງຫຼັກໝັ້ນຂອງຕົນຢ່າງແນ່ນອນ.