ຢູ່ແຄມຝັ່ງທະເລເມືອງຊາວິຢາ(Zawiyah) ທາງພາກຕາເວັນຕົກລີບີໄດ້ພົບຜູ້ຈົມທະເລຕາຍແລະຖືກຟອງທະເລຊັດຂຶ້ນແຄມຝັ່ງ 74 ສົບ ໃນວັນທີ 21 ກຸມພານີ້. ຂະນະທີ່ໂຄສົກສະພາຊີກວົງເດືອນແດງລີບີ ຢືນຢັນວ່າ: ຫຼັງພະນັກງານໄດ້ຊອກຫາປະມານ 6 ຊົ່ວໂມງ ຈຶ່ງໄດ້ພົບສົບຂອງຜູ້ປະສົບເຄາະຮ້າຍ 74 ສົບຢູ່ແຄມຝັ່ງທະເລເມືອງຊາວິຢາໃນຕອນເຊົ້າວັນທີ 21 ກຸມພານີ້, ໃນນີ້ລວມມີແມ່ຍິງແລະເດັກນ້ອຍ.
ໂຄສົກທ່ານນີ້ ກ່າວວ່າ: ຜູ້ປະສົບເຄາະຮ້າຍເຫຼົ່ານີ້ອາດຈະແມ່ນຊາວອົບພະຍົບຜິດກົດໝາຍທີ່ມາຈາກອາຟຣິກາ ແລະໄດ້ປະສົບເຄາະຮ້າຍຂະນະຕ້ອງການຜ່ານທະເລເມດີແຕຣາເນໄປເອີຣົບ. ແນວໃດກໍດີ, ປັດຈຸບັນ ຍັງບໍ່ທັນຮູ້ສະພາບການເກີດເຫດທີ່ລະອຽດເທື່ອ.