ສື່ມວນຊົນເນປານລາຍງານໃນວັນທີ 21 ກຸມພານີ້ວ່າ, ທະນາຄານພັດທະນາອາຊີໄດ້ຕົກລົງເພີ່ມທຶນຊ່ວຍເຫຼືອເນປານແຕ່ປີ 2017 ຫາປີ 2019 ຂຶ້ນເປັນ 843 ລ້ານ 8 ແສນໂດລາສະຫະລັດ. ຖ້າວ່າລັດຖະບານເນປານສາມາດປະຕິບັດໂຄງການທີ່ມີຢູ່ໃນປັດຈຸບັນໄດ້ດີ, ທະນາຄານດັ່ງກ່າວກໍຈະເພີ່ມທຶນຊ່ວຍເຫຼືອອີກ 356 ລ້ານໂດລາ.
ຈາກນີ້ຈຶ່ງຊີ້ໃຫ້ເຫັນວ່າໃນ 3 ປີຕໍ່ໜ້າ, ເນປານຈະໄດ້ທຶນຊ່ວຍເຫຼືອ 400 ລ້ານໂດລາຕໍ່ປີ, ເຊິ່ງເພື່ອທຽບໃສ່ການຊ່ວຍເຫຼືອກ່ອນປີ 2017 ຈະໄດ້ທຶນກວ່າ 100 ລ້ານໂດລາຕໍ່ປີ.
ທ່ານຈ່າງເຫວີນສາຍ, ຮອງຜູ້ອຳນວຍການທະນາຄານພັດທະນາອາຊີໄດ້ປະກາດການຕົກລົງຊ່ວຍເຫຼືອດັ່ງກ່າວຢູ່ເນປານ. ແລະໃນພິທີຖະແຫຼງຂ່າວທີ່ຈັດຂຶ້ນໃນຕອນຄ່ຳວັນທີ 20 ກຸມພານີ້, ທ່ານຈ່າງເຫວີນສາຍກໍໄດ້ເນັ້ນວ່າ, ເປົ້າໝາຍຂອງການເພີ່ມການຊ່ວຍເຫຼືອນັ້ນກໍເພື່ອຊ່ວຍເຫຼືອເນປານບັນລຸຕາມເປົ້າໝາຍຂອງຕົນ, ຄືກາຍເປັນປະເທດທີ່ມີລາຍຮັບລະດັບກາງເມື່ອຮອດປີ 2030.