ຂ່າວສານຊິນຮວາລາຍງານວ່າ: ວັນທີ 21 ກຸມພານີ້, ຄະນະພິເສດລີເບຣີຂອງອົງການສະຫະປະຊາຊາດໄດ້ຕາງໜ້າສປຊມອບຫລຽນໄຊສັນຕິພາບໃຫ້ແກ່ກອງກຳລັງປ້ອງກັນຄວາມຮຸນແຮງທີສີ່ຂອງຕຳຫຼວດຮັກສາສັນຕິພາບຈີນ 140 ຄົນທີ່ຢູ່ລີເບຣີ ເພື່ອຊົມເຊີຍການອຸທິດ ແລະການເສຍສະຫຼະທີ່ມີຄ່າໃນການຮັກສາສັນຕິພາບ.
ພິທີມອບຫຼຽນໄຊໄດ້ຈັດຂຶ້ນໃນຄ້າຍກອງກຳລັງປ້ອງກັນຄວາມຮຸນແຮງຂອງຕຳຫຼວດຮັກສາສັນຕິພາບຈີນຢູ່ນະຄອນຫຼວງໂມນໂລວີ ໂດຍໃນໂອກາດນີ້, ທ່ານ Fareed Zarif ຜູ້ຕາງໜ້າພິເສດຂອງເລຂາທິການໃຫຍ່ສປຊກ່າວວ່າ: ກອງກຳລັງດັ່ງກ່າວແມ່ນກອງກຳລັງປ້ອງກັນຄວາມຮຸນແຮງທີ່ດີທີ່ສຸດ ເຊິ່ງມີທັງວິໄນ, ວິຊາການ ແລະປະດິດສ້າງໃໝ່ ຂະນະດຽວກັນກໍໄດ້ປະກອບສ່ວນສຳຄັນເຂົ້າໃນການຮັກສາສັນຕິພາບຂອງປະເທດລີເບຣີ, ປະຕິບັດໜ້າທີ່ສປຊ ແລະສະໜັບສະໜູນການສ້າງຂີດຄວາມສາມາດໃຫ້ແກ່ຕຳຫຼວດທ້ອງຖິ່ນ ທັງເປັນແບບຢ່າງທີ່ດີຂອງອົງການສະຫະປະຊາຊາດ.
 |
