ຜົນການສຳຫຼວດຊີ້ການລົງທຶນກໍ່ສ້າງພື້ນຖານໂຄງລ່າງໄດ້ຮັບຄວາມນິຍົມຈາກນັກການເມືອງແລະນັກທຸລະກິດຈີນ-ຣັດເຊຍ

ຕາມຂ່າວສານຊິນຮວາ:ອີງຕາມຜົນສຳຫຼວດຈາກຜູ້ເຂົ້າຮ່ວມພິທີໄຂ "ປີທຸລະກິດຣັດເຊຍ-ຈີນ 2017 "ທີ່ຈັດຂຶ້ນຢູ່ມົສກູ,ຜູ້ໃຫ້ສຳພາດຈຳນວນຫຼາຍເຫັນແງ່ດີຕໍ່ການຮ່ວມມືຣັດເຊຍ-ຈີນໃນການລົງທຶນເຂົ້າໃນໂຄງການກໍ່ສ້າງພື້ນຖານໂຄງລ່າງ.

ລາຍງານຂ່າວໄດ້ອ້າງຕາມຜົນການສຳຫຼວດວ່າ,ຜູ້ໃຫ້ສຳພາດຈາກຈີນ 54%ແລະຣັດເຊຍ 39%ລ້ວນແຕ່ເຫັນວ່າ,ການຮ່ວມມືດ້ານການລົງທຶນແມ່ນທິດຮ່ວມມືທີ່ມີອະນາຄົດຫຼາຍທີ່ສຸດລະຫວ່າງຣັດເຊຍ-ຈີນໃນປີນີ້ແລະໂຄງການພື້ນຖານໂຄງລ່າງກໍແມ່ນທິດບຸລິມະສິດໃນການລົງທຶນເຊິ່ງກັນແລະກັນລະຫວ່າງສອງປະເທດ.

ອີງຕາມຜົນການສຳຫຼວດ,ໃນບັນຊີການລົງທຶນທີ່ມີກຳລັງດຶງດູດຫຼາຍທີ່ສຸດທີ່ເປັນອັນດັບສອງ,ຜູ້ໃຫ້ສຳພາດຈາກຈີນໄດ້ເລືອກຂະແໜງການບໍລິການຫຼາຍກວ່າ,ສ່ວນຜູ້ໃຫ້ສຳພາດຈາກຣັດເຊຍໄດ້ເລືອກການທ່ອງທ່ຽວຫຼາຍກວ່າ.