ຕາມຂ່າວສານຊິນຮວາ:ທ່ານເກິງສວາງ ໂຄສົກກະຊວງການຕ່າງປະເທດຈີນກ່າວໃນການຖະແຫຼງຂ່າວໃນວັນທີ 21 ກຸມພານີ້ວ່າ,ບໍ່ວ່າເວລາໃດຈີນກໍສະໜັບສະໜູນຝ່າຍທີ່ກ່ຽວຂ້ອງກັບບັນຫານິວເຄລຍແຫຼມເກົາຫຼີໃຫ້ດຳເນີນການເຈລະຈາແລະປະສານສົມທົບກັນເພື່ອເພີ່ມຄວາມເຂົ້າໃຈແລະຫາລືວິທີແກ້ໄຂບັນຫາຮ່ວມກັນ.
ມີນັກຂ່າວຖາມຫຼັງມີສື່ອາເມລິກາລາຍງານວ່າ,ອາເມລິກາແລະສປປເກົາຫຼີກຳລັງກະກຽມໃຫ້ແກ່ການພົບປະລະຫວ່າງຜູ້ຕາງໜ້າຂັ້ນສູງຂອງສປປເກົາຫຼີແລະອະດີດເຈົ້າໜ້າທີ່ລັດຖະ ບານອາເມລິກາ,ແຕ່ການຍິງຂີປະນາວຸດຂອງສປປເກົາຫລີຫວ່າງມໍ່ໆນີ້ແລະການກະທຳອື່ນໆໄດ້ເພີ່ມຄວາມບໍ່ແນ່ນອນໃຫ້ແກ່ການພົບປະ.ຈີນມີຄວາມຄິດເຫັນແນວໃດຕໍ່ເລື່ອງນີ້?
ທ່ານເກິງສວາງຕອບວ່າ,ກົກເຫງົ້າຂອງບັນຫານິວເຄລຍແຫຼມເກົາຫຼີກໍຄືຄວາມຂັດແຍ້ງກັນລະຫວ່າງສປປເກົາຫຼີແລະອາເມລິກາ.ໃນສະພາບການດັ່ງກ່າວ,ພວກເຮົາຫວັງໃຫ້ຝ່າຍຕ່າງໆທີ່ກ່ຽວຂ້ອງດຳເນີນການທົດລອງແລະພະຍາຍາມໃນດ້ານນີ້ໃຫ້ຫຼາຍກວ່າເກົ່າ,ຮ່ວມກັນເສີມຂະຫຍາຍບົດບາດທີ່ສ້າງສັນໃຫ້ແກ່ສັນຕິພາບ,ສະຖຽນລະພາບຂອງແຫຼມເກົາຫຼີພ້ອມທັງການແກ້ໄຂບັນຫານິວເຄລຍແຫຼມເກົາຫຼີ.
 |
