ອົງການອາຫານແລະການກະເສດສະຫະປະຊາຊາດຫຼືFAOເຜີຍແຜ່ບົດລາຍງານໃນວັນທີ 22 ກຸມພານີ້ວ່າ ປະຊາຄົມໂລກຄວນພະຍາຍາມຢ່າງບໍ່ລົດລະເພື່ອແກ້ໄຂສິ່ງທ້າທາຍໃຫຍ່ຕ່າງໆເປັນຕົ້ນຊັບພະຍາກອນທຳມະຊາດທີ່ຫຼຸດໜ້ອຍຖອຍລົງ,ຄວາມບໍ່ສະເໝີພາບໜັກໜ່ວງຂຶ້ນ, ໄພອັນຕະລາຍຈາກການປ່ຽນແປງຂອງດິນຟ້າອາກາດແລະອື່ນໆ,ຖ້າບໍ່ດັ່ງນັ້ນ ຄວາມໝັ້ນຄົງດ້ານສະບຽງອາຫານໃນທົ່ວໂລກຈະຜະເຊີນກັບຄວາມສ່ຽງຢ່າງໃຫຍ່.
ບົດລາຍງານຊີ້ວ່າ ຮອດປີ 2050, ປະຊາກອນທົ່ວໂລກອາດຈະເພີ່ມຂຶ້ນເກືອບເຖິງ 10 ຕື້ຄົນເຊິ່ງຖ້າບໍ່ຊຸກຍູ້ການລົງທຶນແລະປັບປຸງລະບົບການກະເສດແລະສະບຽງອາຫານຂອງໂລກ, ຮອດປີ 2030ຄືເວລາໃນວາລະການພັດທະນາແບບຍືນຍົງໄດ້ກຳນົດໃຫ້ລົບລ້າງຄວາມສ່ຽງຕໍ່ຄວາມໝັ້ນຄົງດ້ານສະບຽງອາຫານແລະສະພາບຂາດສານອາຫານໄລຍະຍາວນັ້ນ, ຍັງຄົງມີປະຊາກອນເປັນຈຳນວນ ຫຼາຍຕົກໃນຄວາມອຶດຢາກ.ຖ້າບໍ່ພະຍາຍາມສົ່ງເສີມການພັດທະນາເພື່ອລົບລ້າງຄວາມທຸກຍາກ,ຫຼຸດຜ່ອນຄວາມບໍ່ສະເໝີພາບແລະປົກປ້ອງກຸ່ມຄົນດ້ອຍໂອກາດຕື່ມອີກ, ຮອດປີ 2030, ປະຊາກອນຫຼາຍກວ່າ 600 ລ້ານຄົນຈະກິນບໍ່ພຽງພໍແລະໃນຄວາມຈິງແລ້ວ, ໃນປັດຈຸບັນ,ການແກ້ໄຂບັນຫານີ້ບໍ່ທັນມີຄວາມຄືບໜ້າພໍເທົ່າໃດເຊິ່ງອາດຈະເປັນການສົ່ງສັນຍານໃຫ້ເຫັນເຖິງຄວາມບໍ່ສາມາດລົບລ້າງຄວາມອິດຫິວໃນປີ 2050 ໄດ້.