ດ່ານພາສີເມືອງຕົ່ງຊິ່ງ ເຂດກວາງຊີ ສປ ຈີນ ໄດ້ເປີດເຜີຍໃນວັນທີ 22 ກຸມພານີ້ວ່າ: ຫຼັງການເຄື່ອນໄຫວປະສົມເພື່ອປາບປາມການຄ້າຂາຍເຖື່ອນ 2017 ເລີ່ມປະຕິບັດພຽງ 10 ວັນ ຄື ແຕ່ວັນທີ 10-19 ກຸມພານີ້, ຂະແໜງການປາບປາມການຄ້າຂາຍເຖື່ອນດ່ານພາສີຈີນກໍສາມາດເລີກຮື້ 6 ຈຸດກັກຕຸນຢາສູບເຖື່ອນໄດ້ ແລະ ແລະສາມາດຍຶດຢາສູບເຖື່ອນຫຼາຍຍີ່ຫໍ້ 1.217 ແກັດ ແລະອີກ 105 ຕຸດ ມູນຄ່າກວ່າ 5 ລ້ານຢວນ ຫຼື 7 ແສນກວ່າໂດລາສະຫະລັດ.
ດ່ານພາສີຕົ່ງຊິ່ງ ຊີ້ວ່າ: ຫຼັງການເຄື່ອນໄຫວດັ່ງກ່າວໄດ້ຮັບປະສົບຜົນສຳເລັດຢ່າງໃຫຍ່, ຂະແໜງການປາບປາມການຄ້າຂາຍເຖື່ອນທ້ອງຖິ່ນຕົນກໍເປີດການປາບປາມຢ່າງເຂັ້ມງວດອີກຄັ້ງໃໝ່ ໂດຍໃນປີນີ້ ຈະເພີ່ມທະວີການຄຸ້ມຄອງແລະຄວບຄຸມຢູ່ເຂດຮັບຜິດຊອບຂອງຕົນຕາມຊາຍແດນ, ປ້ອງກັນບໍ່ໃຫ້ການຄ້າຂາຍເຖື່ອນຈາກຕົວເມືອງທີ່ຖືກຄວບຄຸມຢ່າງເຂັ້ມງວດນັ້ນຍ້າຍໄປສູ່ພາກຕາເວັນຕົກ ແລະ ອັດຕັນຊ່ອງຫວ່າງການຄ້າຂາຍເຖື່ອນ.