ລັດຖະບານ ສ.ເກົາຫຼີອອກຖະແຫຼງການໃນວັນທີ 22 ກຸມພານີ້ ໂດຍປະທ້ວງລັດຖະບານຍີ່ປຸ່ນທີ່ສົ່ງເຈົ້າໜ້າທີ່ຂັ້ນສູງເຂົ້າຮ່ວມກິດຈະກຳລະນຶກ "ວັນເກາະຕາເກຊີມະ" ຢູ່ແຂວງຊີມານາເກັນ ທັງໆທີ່ເກາະດັ່ງກ່າວແມ່ນເກາະໂດກໂດຂອງ ສ.ເກົາຫຼີ.
ຖະແຫຼງການລະບຸວ່າ: ບໍ່ວ່າຈະເວົ້າຈາກປະຫວັດສາດ, ພູມສາດ ຫຼືວ່າ ກົດໝາຍສາກົນ, ເກາະໂດກໂດ ກໍແມ່ນດິນແດນຂອງປະເທດຕົນຢ່າງບໍ່ຕ້ອງສົງໄສ ຈຶ່ງທວງໃຫ້ລັດຖະບານຍີ່ປຸ່ນຮັບຮູ້ປະຫວັດສາດການຮຸກຮານແລະປຸ້ນຈີ້ຂອງຈັກກະພັດຍີ່ປຸ່ນຢ່າງຖືກຕ້ອງ ແລະ ຢຸດຕິການທ້າທາຍເກາະຜິດທັງໝົດໃນເກາະໂດກໂດ.
ນອກນີ້, ຂ່າວສານໂຢນຮັບ ສ.ເກົາຫຼີ ກໍໄດ້ລາຍງານວ່າ, ທ່ານເຈິງບຽງໂວນ ຫົວໜ້າກົມອາຊີຕາເວັນອອກສຽງເໜືອ ກະຊວງການຕ່າງປະເທດ ໄດ້ຮຽກອັກຄະລັດຖະທູດຍີ່ປຸ່ນປະຈຳ ປະເທດຕົນ ເຂົ້າພົບໃນຕອນບ່າຍວັນທີ 22 ກຸມພານີ້ ເພື່ອປະທ້ວງເຈົ້າໜ້າທີ່ ຂັ້ນຮອງລັດຖະມົນຕີຂອງຍີ່ປຸ່ນທີ່ໄດ້ເຂົ້າຮ່ວມກິດຈະກຳດັ່ງກ່າວ.
ທັງນີ້, ທ່ານຊູນຊູເກະ ຮອງລັດຖະມົນຕີ ຄະນະລັດຖະບານຍີ່ປຸ່ນ ໄດ້ເຂົ້າຮ່ວມກິດຈະກຳລະນຶກ "ວັນເກາະຕາເກຊີມະ" ທີ່ຈັດໂດຍອຳນາດການປົກຄອງແຂວງຊີມາເນເກັນ ແລະກໍເປັນເວລາ 5 ປີຕໍ່ເນື່ອງທີ່ລັດຖະບານຍີ່ປຸ່ນໄດ້ສົ່ງຮອງລັດຖະມົນຕີເຂົ້າຮ່ວມກິດຈະກຳດັ່ງກ່າວນັບແຕ່ປີ 2013 ເປັນຕົ້ນມາ.
