ຜູ້ແທນປະເທດໂຮນລັງ ແລະ ອົງການຈັດຕັ້ງສາກົນ ເຊັ່ນ ສະຫະພາບເອີຣົບ ແລະ ອົງການສະຫະປະຊາຊາດ ໄດ້ລິເລີ່ມປະຕິບັດ "ແຜນປົກປັກຮັກສາແລະພັດທະນາເຂດແຄວ້ນ" ຢູ່ນະຄອນຫຼວງອາດິສອາເບບາ ປະເທດເອທີໂອປີ ໃນວັນທີ 22 ກຸມພານີ້ ໂດຍຊ່ວຍເຫຼືອປະເທດດັ່ງກ່າວ 30 ລ້ານເອີໂຣ ເພື່ອຮັບເອົາຊາວອົບພະຍົບ 8 ແສນຄົນ.
ແຜນດັ່ງກ່າວລິເລີ່ມໂດຍສະຫະພາບເອີຣົບ, ລັດຖະບານໂຮນລັງ, ລັດຖະບານເອທີໂອປີ ແລະ ອົງການສະຫະປະຊາຊາດ ໂດຍເປັນການຈັດຕັ້ງປະຕິບັດຮ່ວມລະຫວ່າງໂດຍຄະນະຜູ້ແທນສະຫະພາບເອີຣົບປະຈຳເອທີໂອປີ, ລັດຖະບານໂຮນລັງ ແລະ ລັດຖະບານເອທີໂອປີ ເຊິ່ງທຶນດັ່ງກ່າວຕົ້ນຕໍໃຊ້ເຂົ້າໃນການຊ່ວຍເຫຼືອຊາວອົບພະຍົບທີ່ເອທີໂອປີຮັບເອົາ ບໍ່ວ່າຈະເປັນເຄື່ອງຂອງ, ການສຶກສາ, ການປະກອບອາຊີບ, ກົດໝາຍ, ພະລັງງານ ແລະອື່ນໆ.
ຊາວອົບພະຍົບທີ່ເອທີໂອປີຮັບເອົານັ້ນຕົ້ນຕໍມາຈາກໂຊມາລີ, ຊູດັງໃຕ້ ແລະ ເອີຣີຕຣີ ເປັນຕົ້ນ.