ສານລັດຖະທຳມະນູນ ສ.ເກົາຫຼີ ໄດ້ພິຈາລະນາຄັ້ງທີ 16 ກ່ຽວກັບຄະດີຖອດຖອນປະທານາທິບໍດີປັກກຸນເຮ ໃນວັນທີ 22 ກຸມພານີ້ ແລະໄດ້ປະກາດເລື່ອນວັນຕັດສິນສຸດທ້າຍໄປວັນທີ 27 ເດືອນດຽວກັນ ໝາຍຄວາມວ່າການພິຈາລະນາຄະດີການຖອດຖອນທ່ານນາງປັກກຸນເຮຂອງສານລັດຖະທຳມະນູນຈະເຂົ້າສູ່ໄລຍະສຸດທ້າຍໃນອາທິດໜ້າ.
ເມື່ອເບິ່ງຈາກສະພາບໃນປັດຈຸບັນແລ້ວເຫັນວ່າ ສານລັດຖະທຳມະນູນຈະລົງຄຳຕັດສິນສຸດທ້າຍພາຍໃນ 2 ອາທິດຫຼັງສຳເລັດການພິຈາລະນາຄະດີຂັ້ນສຸດທ້າຍ ແລະກໍເປັນການຕັດສິນວ່າທ່ານນາງປັກກຸນເຮຈະອອກຈາກຕຳແໜ່ງປະທານາທິບໍດີ ຫຼືບໍ່.
ວັນທີ 10 ມີນາໜ້ານີ້, ຄະດີຖອດຖອນປະທານາທິບໍດີຂອງ ສ.ເກົາຫຼີຈະໝົດກຳນົດການພິຈາລະນາໃນໄລຍະ 180 ວັນ ແລະ ຕໍ່ໄປອີກ 10 ກວ່າວັນ, ຖ້າວ່າສານລັດຖະທຳມະນູນຕັດສິນຄະດີການຖອດຖອນດັ່ງກ່າວຢ່າງຖືກຕ້ອງ ກໍຈະເຮັດໃຫ້ທ່ານນາງປັກກຸນເຮ ຖືກປົດອອກຈາກຕຳແໜ່ງປະທານາທິບໍດີ ແລະ ຫຼັງຈາກນັ້ນ 60 ວັນ ສ.ເກົາຫຼີກໍຈະດຳເນີນການເລືອກຕັ້ງທົ່ວໄປ.
