ຂ່າວສານຊິນຮວາລາຍງານວ່າ: ວັນທີ 22 ກຸມພານີ້, ທ່ານຈ່າງເຢຊຸຍ ຮອງລັດຖະມົນຕີກະຊວງການຕ່າງປະເທດຈີນ ແລະທ່ານສຸເຈເຊີ ເລຂາທິການໃຫຍ່ກະຊວງການຕ່າງປະເທດອິນເດຍໄດ້ຫາລືຍຸດທະສາດການຮ່ວມມືລະຫວ່າງສອງປະເທດຢູ່ປັກກິ່ງ ໂດຍມີເຈົ້າໜ້າທີ່ຂອງສອງຝ່າຍເຂົ້າຮ່ວມ.
ສອງຝ່າຍໄດ້ເປັນເອກະພາບກັນວ່າ: ຈີນ-ອິນເດຍມີສະພາບ, ມີໄລຍະການພັດທະນາ ແລະເປົ້າໝາຍຄ້າຍຄືກັນ ທັງມີຜົນປະໂຫຍດຮ່ວມກັນຢ່າງກວ້າງຂວາງ ເຊິ່ງເປັນຄວາມບົ່ມຊ້ອນໃນການຮ່ວມມືກັນຢ່າງຫຼວງຫຼາຍ. ແນວໃດກໍດີ, ການຊຸກຍູ້ສົ່ງເສີມສາຍພົວພັນຈີນ-ອິນເດຍຢ່າງໝັ້ນຄົງນັ້ນລ້ວນແຕ່ສອດຄ່ອງກັບຜົນປະໂຫຍດພື້ນຖານຂອງສອງລັດ ແລະປະຊາຊົນສອງຊາດ. ນອກນີ້, ຈີນ-ອິນເດຍຍັງເຫັນຜ້ອມຕໍ່ການຮັກສາທ່າອ່ຽງການພັດທະນາສາຍພົວພັນສອງຝ່າຍ, ຊຸກຍູ້ການໄປມາຫາສູ່ກັນໃນລະດັບຕ່າງໆໃນປີ 2017 ລວມທັງຊຸກຍູ້ການຮ່ວມມືຕົວຈິງໃນຂົງເຂດຕ່າງໆ, ເພີ່ມທະວີການປະສານສົມທົບໃນວຽກງານຂອງພາກພື້ນ ກໍຄືຂອງໂລກ ທັງແກ້ໄຂຄວາມຂັດແຍ້ງກັນ ແລະບັນຫາອ່ອນໄຫວຢ່າງເໝາະສົມ.
 |
