ຕາມຂ່າວສານສູນກາງເກົາຫຼີ: ໂຄສົກຄະນະກຳມະການຜູ້ຊ່ຽວຊານກົດໝາຍ ສປປ ເກົາຫຼີກ່າວວ່າ, ກຽມຈະສົ່ງຄະນະຜູ້ຊ່ຽວຊານກົດໝາຍໄປມາເລເຊຍ ເພື່ອດຳເນີນການສືບສວນສອບສວນໃນກໍລະນີທີ່ພົນລະເມືອງຂອງຕົນຄົນໜຶ່ງຖືກຄາດຕະກຳຢູ່ມາເລເຊຍ.
ໂຄສົກທ່ານນີ້ບອກວ່າ, ເພື່ອສ້າງຄວາມກະຈ່າງແຈ້ງຕໍ່ເຫດການດັ່ງກ່າວ, ພວກເຮົາໄດ້ສະເໜີໃຫ້ດຳເນີນການສືບສວນຮ່ວມກັນ ແລະຈາກນີ້ກຽມສົ່ງຄະນະຜູ້ຊ່ຽວຊານກົດໝາຍໄປມາເລເຊຍ ແລະຈະໄປຈຸດເກີດເຫດໂດຍກົງ ແລະພົບຜູ້ຕ້ອງຫາ ເພື່ອຟັງການອະທິບາຍຂອງເຂົາເຈົ້າ ແລະຢືນຢັນວ່າ ຜູ້ຕ້ອງຫາໄດ້ຮັບຄຳຊີ້ແຈງຈາກໃຜ, ນອກນີ້ ຍັງຈະຊົມວິດີໂອຈາກກອງວົງຈອນປິດ ເພື່ອເຮັດໃຫ້ການສືບສວນເປັນທຳ.
ໂຄສົກທ່ານນີ້ກ່າວຕື່ມວ່າ, ຈະອົດກັ້ນຕໍ່ການກະທຳທີ່ຫວັງທຳລາຍພາບພົດຂອງ ສປປ ເກົາຫຼີ ບໍ່ໄດ້ຢ່າງເດັດຂາດ ແລະຈະຄົ້ນຫາເບື້ອງຫຼັງທີ່ມືດມົນຂອງເຫດການດັ່ງກ່າວຢ່າງລະອຽດ, ຂະນະດຽວກັນ, ເຈົ້າໜ້າທີ່ ສປປ ເກົາຫຼີກ່າວວ່າ ຈະຕິດຕາມທ່າທີຂອງມາເລເຊຍກ່ຽວກັບເຫດການນີ້ຢ່າງໃກ້ຊິດ.
 |
