ຕາມຂ່າວສານຈີນ: ວັນທີ 22 ກຸມພານີ້, ທ່ານນາງເກຣຊີດາ ດິກສ໌ ເຈົ້າໜ້າທີ່ຕຳຫຼວດອາວຸໂສອັງກິດໄດ້ຮັບການແຕ່ງຕັ້ງເປັນຫົວໜ້າກົມຕຳຫຼວດນະຄອນຫຼວງລອນດອນຄົນໃໝ່ ແລະກາຍເປັນຫົວໜ້າກົມເພດຍິງຜູ້ທຳອິດຂອງທີ່ດຳລົງຕຳແໜ່ງດັ່ງກ່າວ.
ທ່ານເອັມເບີ ຣຸດ ລັດຖະມົນຕີກະຊວງພາຍໃນອັງກິດກ່າວໃນໂອກາດປະກາດແຕ່ງຕັ້ງວ່າ ທ່ານນາງເກຣຊີດາ ດິກສ໌ ເປັນບຸກຄົນທີ່ດີເດັ່ນ ແລະມີແນວຄິດພັດທະນາກົມຕຳຫຼວດນະຄອນຫຼວງໃນອະນາຄົດຢ່າງຈະແຈ້ງ ຈາກສະຖານະການຕ້ານການກໍ່ການຮ້າຍນັບມື້ນັບເຄັ່ງຄັດ ແລະເກີດໄພຂົ່ມຂູ່ຈາກການຕ້ອງໂທດທາງອິນເຕີເນັດນັບມື້ນັບດຸເດືອດ, ປະສົບການແລະສາຍຕາຂອງທ່ານຈະເຮັດໃຫ້ກົມຕຳຫຼວດນະຄອນຫຼວງລອນດອນກ້າວທັນສະຖານະການໃໝ່ ເພື່ອຮັບປະກັນຄວາມໝັ້ນຄົງຂອງເຂດນະຄອນຫຼວງ.
ທ່ານຊາດິກ ຄານ ເຈົ້າຄອງນະຄອນຫຼວງລອນດອນກໍກ່າວວ່າ, ທ່ານນາງເກຣຊີດາ ດິກສ໌ເປັນເພດຍິງຜູ້ທຳອິດທີ່ດຳລົງຕຳແໜ່ງຫົວໜ້າກົມຕຳຫຼວດນະຄອນຫຼວງ, ໄດ້ຮັບສິດຫຼາຍທີ່ສຸດຂອງອັງກິດ ແລະເປັນເລື່ອງທີ່ໜ້າຊົມເຊີຍເປັນຢ່າງຍິ່ງ.
 |
