ທ່ານເບນາດ ຄາເຊເນັບ ນາຍົກລັດຖະມົນຕີຝຣັ່ງໄດ້ໃຫ້ສຳພາດນັກຂ່າວຂອງໜັງສືມພິມLe Parisien ໃນໂອກາດເດີນທາງຢ້ຽມຢາມຈີນຢ່າງເປັນທາງການແຕ່ວັນທີ 21-23 ກຸມພານີ້ ໂດຍຢືນຢັນວ່າ ການຮ່ວມມືລະຫວ່າງຝຣັ່ງ-ຈີນໃນຫຼາຍຂົງເຂດໄດ້ຮັບຜົນສຳເລັດແບບຕ່າງຝ່າຍຕ່າງໄດ້ຮັບຜົນປະໂຫຍດ.
ທ່ານຄາເຊເນັບຢືນຢັນວ່າ ຝຣັ່ງແລະຈີນໄດ້ປະສົບຜົນສຳເລັດໃນການຮ່ວມມື ຫຼາຍຂົງເຂດແລະບັນຫາເປັນຕົ້ນ, ອະວະກາດ,ການບິນອະວະກາດ,ພະລັງງານນິວເຄລຍທີ່ໃຊ້ເຂົ້າໃນຂົງເຂດພົນລະເຮືອນ, ອາຫານແລະຜະລິດຕະພັນສຳຮອງກະສິກຳ, ບັນຫາການດູແລຄົນຊະລາແລະອື່ນໆ, ຂະນະທີ່ຈຸດປະສົງໃນການຢ້ຽມຢາມເທື່ອນີ້ກໍເພື່ອລົງເລິກສາຍພົວພັນຮ່ວມມືລັກສະນະນີ້ໃຫ້ເປັນຮູບປະທຳ.
ນອກນີ້,ທ່ານຄາເຊເນັບຍັງໄດ້ຍົກເອົາການຮ່ວມມືລະຫວ່າງກຸ່ມບໍລິສັດລົດຕຸ່ງເຟິ່ງຈີນແລະກຸ່ມບໍລິສັດPSA Peugeot Citroenຝຣັ່ງໃຫ້ເປັນຕົວຢ່າງໂດຍເຫັນວ່ານີ້ເປັນຕົວແບບການຮ່ວມມືຝຣັ່ງ-ຈີນທີ່ປະສົບຜົນສຳເລັດທີ່ສຸດແລະເປັນການຮ່ວມມືແບບຕ່າງຝ່າຍຕ່າງມີຜົນປະໂຫຍດ. ທ່ານກ່າວຕື່ມວ່າ: ເມື່ອປີ 2014, ບໍລິສັດPSA Peugeot Citroenເກືອບລົ້ມລະລາຍ, ແຕ່ຫຼັງຈາກນັ້ນ 3 ປີ,ບໍລິສັດດັ່ງກ່າວໄດ້ຟື້ນຕົວຄືນທັງບໍ່ໄດ້ເສຍຕຳແໜ່ງໃນການດຳເນີນທຸລະກິດແຕ່ປະການໃດເລີຍ.
 |
