ຂ່າວສານຫວຽດນາມລາຍງານໃນວັນທີ 23 ກຸມພານີ້ວ່າ: ແຜນງານຊຸກຍູ້ການພັດທະນາຂະແໜງການບໍລິການຂົນສົ່ງຫວຽດນາມເພື່ອຍົກສູງກຳລັງແກ້ງແຍ້ງກ່ອນປີ 2050 ທີ່ນາຍົກລັດຖະມົນຕີລົງນາມກ່ອນໜ້ານີ້ບໍ່ດົນ ຈະສ້າງກຳລັງທີ່ແຂງແຮງໃນການຊ່ວຍຊຸກຍູ້ການພັດທະນາຂະແໜງການຂົນສົ່ງ ໃຫ້ເປັນຂະແໜງການບໍລິການທີ່ມີມູນຄ່າເພີ່ມສູງ.
ຂ່າວແຈ້ງວ່າ: ຫວຽດນາມຕັ້ງຢູ່ໃຈກາງອາຊຽນ ແລະມີໂອກາດດີກ້າວໄປສູ່ການເປັນທາງຜ່ານແລະສູນເຕົ້າໂຮມສິນຄ້າທີ່ຫັນໜ້າສູ່ອາຊີຕາເວັນອອກສຽງເໜືອ,ອາຊີໃຕ້,ອາຊີຕາເວັນອອກສຽງໃຕ້, ທະວີບອາເມລິກາ,ໂອເຊອານີແລະອື່ນໆ. ປັດຈຸບັນ, ຂະແໜງການຂົນສົ່ງບັນລຸການສ້າງ GDP ໄດ້ພຽງແຕ່ 3% ຂອງເສດຖະກິດຫວຽດນາມເທົ່ານັ້ນ, ແຕ່ຄ່າໃຊ້ຈ່າຍການຂົນສົ່ງໄດ້ສູງເຖິງ 20%ຫາ25% ຂອງ GDP. ຂະນະທີ່ຢູ່ປະເທດທີ່ພັດທະນາແລ້ວ, ອັດຕາດັ່ງກ່າວກວມພຽງແຕ່ 10%ຫາ 13% ຂອງ GDP ເທົ່ານັ້ນ. ຈາກນີ້ຈິ່ງເຫັນວ່າ, ການປະຢັດຄ່າໃຊ້ຈ່າຍທາງການຂົນສົ່ງຈະສາມາດປະກອບສ່ວນຢ່າງໃຫຍ່ຫຼວງເຂົ້າໃນການຍົກສູງກຳລັງແກ້ງແຍ້ງຂອງຫວຽດນາມ.