ທ່ານພາສຄາວ ລາມີ ອະດີດຜູ້ອຳນວຍການໃຫຍ່ອົງການການຄ້າໂລກ ກ່າວຢູ່ຈາກາຕາໃນວັນທີ 23 ກຸມພານີ້ວ່າ: ປັດຈຸບັນ, ຂະບວນການໂລກາພິວັດໄດ້ປະເຊີນກັບບັນຫາແລະສິ່ງທ້າທາຍຕ່າງໆ, ຂະນະທີ່ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທີ່ຈີນສະເໜີ ຈະເປັນພະລັງຊຸກດັນຂະບວນການດັ່ງກ່າວໃນອະນາຄົດ.
ທັງນີ້, ທ່ານລາມີ ໄດ້ກ່າວໃນກອງປະຊຸມສົນທະນາສາທາລະນະໃນຫົວຂໍ້ "ຈະອຳລາ ຫຼື ຈະຂະຫຍາຍໂລກາພິວັດ" ຢູ່ນະຄອນຫຼວງຈາກາຕາ ປະເທດອິນໂດເນເຊຍໃນວັນດັ່ງກ່າວວ່າ: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໄດ້ປະດິດສ້າງຂຶ້ນດ້ວຍສະຕິປັນຍາ, ຂະນະທີ່ຈີນເພີ່ມການລົງທຶນເຂົ້າໃນການກໍ່ສ້າງສິ່ງກໍ່ສ້າງພື້ນຖານໂຄງລ່າງຂອງປະເທດຢູ່ຕາມໜຶ່ງແລວທາງໜຶ່ງເສັ້ນທາງຕາມຂໍ້ລິເລີ່ມດັ່ງກ່າວ ເຊິ່ງກໍພໍດີເປັນສິ່ງທີ່ຫຼາຍປະເທດຕ້ອງການດ່ວນ ແລະ ຊົມເຊີຍທີ່ສຸດ.
ທ່ານລາມີ ກ່າວຕື່ມວ່າ: ການພັດທະນາສິ່ງກໍ່ສ້າງພື້ນຖານໂຄງລ່າງມີຜົນດີຕໍ່ການຊຸກຍູ້ການຄ້າທົ່ວໂລກ. ແນວໃດກໍດີ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໄດ້ປັບປຸງພື້ນຖານໂຄງລ່າງຂອງປະເທດທີ່ຢູ່ຕາມໜຶ່ງແລວທາງໜຶ່ງເສັ້ນທາງ ແລະກໍເຮັດໃຫ້ຈີນໄດ້ຮັບຄວາມຊົມເຊີຍໃນສາກົນ.
