ຜົນການສຳຫຼວດຄັ້ງຫຼ້າສຸດ ທີ່ TNS-Gallp ບໍລິສັດສຳຫຼວດຄວາມເຫັນຂອງປະຊາຊົນອາເມລິກາ ໄດ້ເຜີຍແຜ່ໃນວັນທີ 23 ກຸມພານີ້ ສະແດງໃຫ້ເຫັນວ່າ ປັດຈຸບັນ, ຊາວອາເມລິກາເຄິ່ງໜຶ່ງຮູ້ສຶກເປັນມິດກັບຈີນ ແລະຖືເປັນສະຖິຕິສູງສຸດໃນຮອບເກືອບ 30 ປີ.
ການສຳຫຼວດເທື່ອນີ້ໄດ້ຈັດຂຶ້ນຢູ່ລະຫວ່າງວັນທີ 1-5 ກຸມພານີ້ ໂດຍຊາວອາເມລິກາ 50% ຮູ້ສຶກເປັນມິດກັບຈີນ ເພີ່ມຂຶ້ນ 6% ເມື່ອທຽບໃສ່ປີຜ່ານມາ ແລະເພີ່ມຂຶ້ນ 9% ເມື່ອທຽບໃສ່ປີ 2012.
ບໍລິສັດ TNS-Gallp ເຫັນວ່າ ຄຽງຄູ່ກັບທ່ານໂດນັນ ທຣຳ ສະມາຊິກພັກຣີພັບບຣີກັນ ທີ່ມີເຈດຈຳນົງໃຊ້ມາດຕະການແຂງກັບຈີນໃນດ້ານການຄ້າ ແລະບັນຫາອື່ນໆ ໄດ້ຂຶ້ນດຳລົງຕຳແໜ່ງປະທານາທິບໍດີ, ສາຍພົວພັນລະຫວ່າງອາເມລິກາ-ຈີນກໍມີອະນາຄົດທີ່ບໍ່ສົດໃສ. ຂະນະທີ່ຜົນການສຳຫຼວດເທື່ອນີ້ ອາດຈະເປັນສິ່ງທີ່ຊ່ວຍລັດຖະບານທຣຳເຂົ້າໃຈວ່າ ປັດຈຸບັນນີ້, ປະຊາຊົນອາເມລິກາເບິ່ງຈີນໃນແງ່ມູມອ່າວຕັ້ງໜ້າ ແລະກໍອາດຈະບໍ່ຮັບການເຫັນດີທີ່ທ່ານທຣຳໃຊ້ນະໂຍບາຍແຂງຕໍ່ສາຍພົວພັນອາເມລິກາ-ຈີນ.
