ຕາມຂ່າວສານຈີນ:ທ່ານໂຈໂກ ວີໂດໂດ ປະທານາທິບໍດີອິນໂດເນເຊຍກ່າວໃນໂອກາດເຂົ້າຮ່ວມພິທີຂຶ້ນຮັບຕຳແໜ່ງຄະນະບໍລິຫານງານສູນກາງພັກຮ່ວມໃຈປະຊາຊົນຫູຮານຸຣາທີ່ສູນປະຊຸມສາກົນເຊນຕຸນເມື່ອຕອນເຊົ້າວັນທີ 22 ກຸມພານີ້ວ່າ,ປະຊາທິປະໄຕຂອງອິນໂດເນເຊຍໄດ້ຫັນໄປສູ່ລັດທິຊາດນິຍົມຫົວຮຸນແຮງ.
ໜັງສືພິມຊາງບາວອິນໂດເນເຊຍລາຍງານໃນວັນທີ 23 ກຸມພານີ້ໂດຍອ້າງຕາມການເປີດເຜີຍຂອງທ່ານໂຈໂກວ່າ,ການເມືອງປະຊາທິປະໄຕຂອງປະເທດຕົນໄດ້ສ້າງໂອກາດໃຫ້ແກ່ການກຳເນີດລັດທິຫົວຮຸນແຮງ,ເປັນຕົ້ນເສລີນິຍົມ,ລັດທິຫົວຮຸນແຮງ,ລັດທິຈາຮີດນິຍົມ,ລັດທິສາສະໜາ,ລັດທິກໍ່ການຮ້າຍແລະລັດທິສາສະໜາອື່ນໆເຊິ່ງກຸ່ມລັດທິຫົວຮຸນແຮນເຫຼົ່ານີ້ກຳລັງຫັນເອົາເຈົ້າກົກເຈົ້າເຫຼົ່າ,ສາສະໜາແລະລັດທິເຊື້ອຊາດເປັນການເມືອງ.
ຂະນະດຽວກັນ,ທ່ານກໍໄດ້ອ້າງຕາມຖະແຫຼງການຂອງທ່ານໂອສມານ ຊັບຕາ ປະທານພັກຮານຸຣາວ່າ,ຖ້າປ່ອຍປະລະເລີຍການໂຄສະນາຄວາມອາຄາດບາດໝາງ, ການນິນທາວ່າຮ້າຍ,ຂ່າວເທັດ,ການປ້ອຍດ່າແລະການຢຽດຫຍາມ,ອິນໂດເນເຊຍກໍຈະ ແຕກແຍກ.ທ່ານກ່າວຕື່ມວ່າ,ຂໍກະແຈທີ່ສາມາດສະກັດກັ້ນລັດທິຊາດນິຍົມຫົວຮຸນ ແຮງຄືການສ້າງລະບົບກົດໝາຍແລະເຈົ້າໜ້າທີ່ປະຕິບັດກົດໝາຍຕ້ອງຮູ້ແຈ້ງແລະຈະລັ່ງເລອີກຕໍ່ໄປບໍ່ໄດ້ແລ້ວ.